19.12.2025 | 19:10
Փարաքար համայնքին կվերադարձվի 0.2 հա մակերեսով հողամաս. Գլխավոր դատախազության հայցը բավարարվել է
ՀՀԿ-ի օրոք ոչ ոք Վեհափառի վրա չէր հարձակվում. Էդուարդ Շարմազանով. ՏԵՍԱՆՅՈՒԹ
Հասարակություն
16.11.2018 | 12:13
ՀՀԿ-ի օրոք ոչ ոք Վեհափառի վրա չէր հարձակվում: Այսօր՝ նոյեմբերի 16-ին, ՀՀ Ազգային ժողովում լրագրողների հետ զրույցում այս մասին հայտարարեց ՀՀԿ խմբակցության պատգամավոր, ԱԺ փոխխոսնակ Էդուարդ Շարմազանովը՝ պատասխանելով հարցին, թե ինչո՞ւ ՀՀԿ-ն իր իշխանության օրոք խորհրդարան չէր բերում նախագիծ, որով հնարավոր կլիներ պաշտպանել Վեհափառի անվտանգությունը:
«ՀՀԿ-ի օրոք սեռական փոքրամասնություններն ու աղանդավորները չէին վխտում, Առաքելական եկեղեցու վրա չէին հարձակվում, վեհարանի գրավման փորձեր չէին կատարվում, Ջերմուկի ճանապարհին էլ Կաթողիկոսի վրա չէին հարձակվում: Իսկ այս վեց ամիսների ընթացքում մենք տեսանք և՛ վեհարանի գրավման փորձեր, և՛ Վեհափառի նկատմամբ ոտնձգություն, և՛ աղանդավորության ու գոմիկության քարոզ: Դրա համար այսօր բերել ենք այդ օրենսդրական նախաձեռնությունը»,- ասաց նա:
Ինչ վերաբերում է ՀՀԿ-ի համապետական ցուցակին և դրա երրորդ հորիզոնականում հայտնված Դավիթ Շահնազարյանին. Շարմազանովն ասաց՝ անձամբ ինքը գոհ է նման որոշումից:
«Ես անձամբ շատ գոհ եմ, որ Շահնազարյան Դավիթը մեր ցուցակի երրորդ համարն է: Նա այն մարդն է, որը 1988-ից սկսած եղել է ղարաբաղյան շարժման հիմնադիրներից մեկը, մարդ է, որի համար ազգային արժեքները գերխնդիր են և շատ կարևոր է Դավիթ Շահնազարյանի խոսքը հասցնել հանրությանը: Եվ շատ ուրախ եմ, որ մարդը, որը եղել է երրորդ հանրապետության հիմնադիրներից մեկը, ընդգրկված է ՀՀԿ-ի ցուցակում»,- ընդգծեց Էդուարդ Շարմազանովը:
Մանրամասները՝ տեսանյութում:
