06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Հայաստանի Մ-19 հավաքականը խուսափեց պարտությունից ԵԱ-ի որակավորման փուլում. ՏԵՍԱՆՅՈՒԹ
24.03.2026 | 16:10
Լուսանկարը՝ ՀՖՖ-ի
Ֆուտբոլի Հայաստանի մինչև 19 տարեկանների հավաքականը մեկնարկեց Եվրոպայի Մ-19 առաջնության որակավորման առաջին փուլում։
B լիգայի B2 խմբի առաջին տուրում Ռազմիկ Գրիգորյանի գլխավորած թիմը 1։1 հաշվով ավարտեց Կոսովոյի Մ-19 հավաքականի դեմ հանդիպումը։ Առաջին խաղակեսից հետո հայ ֆուտբոլիստները հաշվի մեջ հետապնդողի դերում էին, բայց երկրորդում կարողացան խփել պատասխան գոլը։ 81-րդ րոպեին աչքի ընկավ ռուսական «Ռոստովի» կիսապաշտպան Դավիթ Բաթոյանը՝ անվրեպ իրացնելով 11-մետրանոց հարվածը։ 89-րդ րոպեին կարմիր քարտ ստացավ Հայաստանի Մ-19 հավաքականի պաշտպան Հայկ Ղուկասյանը։
Մարտի 27-ին Հայաստանի Մ-19 հավաքականը կմրցի Թուրքիայի, իսկ մարտի 30-ին՝ Ջիբրալթարի հետ։ B2 խմբի խաղերն անցկացվում են թուրքական Անթալիայում։
