Լիտվայում Բելառուսի հետ սահմանի մոտ ուկրաինական ԱԹՍ է ընկել

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

Լիտվայի Վարենա շրջանում՝ Բելառուսի հետ սահմանի մոտ, անհայտ օբյեկտ է ընկել, հայտնել է երկրի պաշտպանության նախարարությունը։ Լիտվայի զինված ուժերի ներկայացուցչի խոսքով՝ «ամենահավանական վարկածն» այն է, որ դա Բելառուսից անօդաչու թռչող սարք է եղել, գրում է DW-ի ռուսական ծառայությունը։

Օբյեկտն ընկել է Լավիսոս գյուղի մոտակայքում, որը գտնվում է Բելառուսի սահմանից շուրջ 30 կմ հեռավորության վրա: Լիտվայի ազգային ռադիոյի և հեռուստատեսության (LRT) հետ զրույցում տեղի բնակիչները պատմել են, որ առավոտյան ժամը 3:00-ի սահմաններում «լսել են թռչող օբյեկտի բարձր բզզոց, որին հաջորդել է ուժեղ պայթյուն»։ LRT-ի թղթակցի խոսքով՝ դեպքի վայրում ընկած են եղել անօդաչուի բեկորներ։ Վիրավորների մասին տեղեկություններ չկան:

Լիտվայի վարչապետ Ինգա Ռուգինիենեն Ազգային անվտանգության հանձնաժողովի նիստ է հրավիրել՝ ի պատասխան անհայտ օբյեկտի մասին հաղորդագրությունների։

«Ոստիկանությունը և հրշեջ-փրկարարական ծառայությունն աշխատում են դեպքի վայրում, ուղարկվում է ՌՕՈՒ ուղղաթիռ և այլ ուժեր. ակտիվացվել է «Վահան» ծրագիրը»,- գրել է Ռուգինիենեն իր Ֆեյսբուքյան էջում։

Լիտվան բազմիցս հաղորդել է Բելառուսից անօդաչու թռչող սարքերի և օդերևութաբանական օդապարիկների թռիչքների մասին։ 2025 թվականի հոկտեմբերին Վիլնյուսի օդանավակայանը դադարեցրեց գործունեությունը այս միջադեպերի պատճառով: Դեկտեմբերին Լիտվայի կառավարությունը հայտարարեց արտակարգ դրություն ամբողջ երկրում՝ Բելառուսից մաքսանենգ ապրանքով օդապարիկների զանգվածային թռիչքների պատճառով:

2025 թվականի օգոստոսին ՆԱՏՕ-ի անդամ Լիտվան հայտարարեց Բելառուսի հետ սահմանին զուգահեռ 90 կիլոմետրանոց ոչ թռիչքային գոտի ստեղծելու մասին՝ ի պատասխան այդ երկրից անօդաչու թռչող սարքերի ներթափանցման։ Վիլնյուսը գտնվում է սահմանից մոտավորապես 30 կիլոմետր հեռավորության վրա, որը 679 կիլոմետր երկարություն ունի։ Վիլնյուսի օդանավակայանը Բալթյան երկրներում ուղևորափոխադրումների թվով երկրորդ ամենածանրաբեռնված օդանավակայանն է՝ Ռիգայի օդանավակայանից հետո։

Ավեի ուշ Լիտվայի պաշտպանության նախարարությունը հայտնել է, որ անօդաչու թռչող սարքը չի հայտնաբերվել ռադարի կողմից, քանի որ այն թռչում էր ոչ ավելի, քան 300 մետր բարձրության վրա։

Լիտվայի պաշտպանության նախարար Ռոբերտաս Կաունասը ճեպազրույցի ժամանակ հայտարարել է, որ անօդաչու թռչող սարքը, հավանաբար, ուկրաինական է եղել։ «Նախնական տվյալներով, դա այն անօդաչու թռչող սարքերից մեկն էր, որը հարձակվել է Պրիմորսկի (Ռուսաստանում) նավահանգստի վրա։ Հավանաբար, դա ուկրաինական անօդաչու թռչող սարք էր, որը ենթարկվել է ռադիոէլեկտրոնային միջամտության, կորել է և վթարի ենթարկվել մեր տարածքում», – ասել է Կաունասը։

Լիտվայի վարչապետ Ինգա Ռուգինիենեն նույնպես հայտնել է, որ վթարի ենթարկված անօդաչու թռչող սարքը ուկրաինական է եղել։ Նա հավելել է, որ միջադեպի մանրամասները, այդ թվում՝ անօդաչու թռչող սարքի տեսակը, պարզաբանվում են։

Թարգմանությունը՝ Էմմա Չոբանյանի