21.04.2026 | 18:45
«Փորձել է վնասել դասարանցիներին». դասադուլ՝ աշակերտներից մեկի վարքի պատճառով․ ՏԵՍԱՆՅՈւԹ
Լենինգրադի մարզը ԱԹՍ-ների զանգվածային հարձակման է ենթակվել
Քաղաքականություն
23.03.2026 | 12:45
ՌԴ Լենինգրադի մարզի իշխանությունները հայտնել են ուկրաինական անօդաչու թռչող սարքերի զանգվածային հարձակման մասին, որը տևել է մի քանի ժամ։ Երկուշաբթի առավոտյան ժամը 7:20-ի դրությամբ՝ նահանգապետ Ալեքսանդր Դրոզդենկոն հայտնել է, որ տարածաշրջանի վրա խոցվել է ավելի քան 60 անօդաչու թռչող սարք, գրում է Meduza-ն։
«Ֆոնտանկա»-ն հաղորդում է, որ անօդաչուների հարձակման մասին նախազգուշացում է ուղարկվել տարածաշրջանի բնակիչներին ժամը 1:00-ի սահմաններում, սակայն առավոտյան 8:00-ի դրությամբ՝ չեղարկման ազդանշան չի ստացվել։
«Պուլկովո» օդանավակայանը կեսգիշերից դադարեցրել է բոլոր չվերթները, տասնյակ չվերթներ ուշացել են։ Մոսկվայի ժամանակով 9:00-ին «Ռոսավիացիա»-ն վերացրել է «Պուլկովո»-ից չվերթների լիակատար արգելքը։ Օդանավակայանը ընդունում և ուղարկում է չվերթներ՝ «համապատասխան մարմինների հաստատման դեպքում»։
Դրոզդենկոն հայտնել է, որ Պրիմորսկի նավահանգստում անօդաչու թռչող սարքի հարձակման ժամանակ վնասվել է վառելիքի բաք, հրդեհ է բռնկվել։ Վիբորգի շրջանի Երմիլովո գյուղի մոտ անօդաչու թռչող սարքը վնասել է էլեկտրահաղորդման սյունը։ Տուժածների մասին տեղեկություններ չկան։
Լենինգրադի մարզի վրա անօդաչու թռչող սարքերի խոցման մասին հաղորդագրություններ են ստացվել նաև մարտի 22-ին։ Կիրակի կեսօրին Սանկտ Պետերբուրգում անջատվել էր բջջային ինտերնետը, չնայած այդ ժամանակ անօդաչու թռչող սարքերի մասին նախազգուշացում չի տրվել։
Ռուսաստանի պաշտպանության նախարարությունը հայտարարել է, որ գիշերը երկրի տարածքում, ընդհանուր առմամբ, խոցվել է 249 անօդաչու թռչող սարք։
Թարգմանությունը՝ Էմմա Չոբանյանի
