27.07.2026 | 23:18
Ոստիկանները ձերբակալել են ապօրինի զենք պահող տղամարդուն
«Ռեյնջերսը» և «Նոթինգեմ Ֆորեսթը» հետաքրքրված են Ֆինն Գերագուսյանի ծառայություններով
23.03.2026 | 13:27
Հայաստանի ազգային հավաքականի նորեկ, անգլիական «Սանդերլենդի» երիտասարդական թիմի հարձակվող Ֆինն Գերագուսյանը կարող է փոխել ակումբը։
The Sun-ի համաձայն՝ 18-ամյա ֆուտբոլիստի ծառայություններով հետաքրքրված են Շոտլանդիայի 55-ակի չեմպիոն «Ռեյնջերսը», Անգլիայի Պրեմիեր լիգայի ներկայացուցիչ «Նոթինգեմ Ֆորեսթը» և այլ ակումբներ։
Ֆինն Գերագուսյանի գործող պայմանագրի ժամկետը լրանում է այս մրցաշրջանի վերջում։ ՖԻՖԱ-ի կանոնակարգի համաձայն՝ նա կարող է այլ ակումբ տեղափոխվել շուրջ 200 հազար եվրոյի դիմաց։
Ընթացիկ մրցաշրջանում Գերագուսյանը «Սանդերլենդի» տարբեր տարիքային թիմերում անցկացրել է 26 հանդիպում, դարձել 13 գոլի ու 3 գոլային փոխանցման հեղինակ։
Հիշեցնենք, որ Ֆինն Գերագուսյանն առաջին անգամ հրավիրվել էր Հայաստանի հավաքական՝ մասնակցելու Բելառուսի դեմ ընկերական խաղին, որը կկայանա մարտի 29-ին Վազգեն Սարգսյանի անվան «Հանրապետական» մարզադաշտում։ Անցյալ տարի հարձակվողը նորամուտն էր նշել նաև Հայաստանի երիտասարդական հավաքականում, որի կազմում մասնակցել է երկու խաղի։
