27.10.2026 | 00:08
Վարդան Մինասյանն աշխատանքի է անցել Լիբանանում
Իրանը սպառնում է, Հորմուզի նեղուցից բացի, ականապատել Պարսից ծոցն ու ափամերձ տարածքները՝ մինչ լրանում է Թրամփի սահմանած վերջնաժամկետը
Քաղաքականություն
23.03.2026 | 15:49
Իրանի բարձր մակարդակի անվտանգության մարմինը՝ Պաշտպանության խորհուրդը, հայտարարել է, որ «ոչ թշնամական երկրների համար» Հորմուզի նեղուցով անցնելու «միակ ճանապարհն» «Իրանի հետ համակարգումն է», գրում է BBC-ն։
Խորհուրդն իրանական լրատվամիջոցների կողմից հրապարակված հայտարարության մեջ նաև նշել է, որ «թշնամու կողմից իրանական ափերի կամ կղզիների վրա հարձակվելու ցանկացած փորձ» կհանգեցնի նրան, որ Պարսից ծոցի և ափամերձ տարածքների «մուտքի բոլոր ուղիները» կականապատվեն տարբեր ծովային ականներով, այդ թվում՝ ափից տեղակայվող լողացող ականներով»։ Նման հարձակման դեպքում, «բացի Հորմուզի նեղուցից, գործնականում կփակվի ամբողջ (Պարսից) ծոցը, որի «պատասխանատվությունը կընկնի ագրեսորի վրա», ասվում է հայտարարության մեջ։
BBC-ն նաև նշում է, որ ԱՄՆ նախագահ Դոնալդ Թրամփի կողմից հայտարարված Հորմուզի նեղուցը բացելու վերջնաժամկետը լրանալու է բրիտանական ժամանակով կեսգիշերից կարճ ժամանակ առաջ։
Շաբաթ երեկոյան ԱՄՆ նախագահը հայտարարել է, որ եթե նեղուցը «առանց սպառնալիքի» չբացվի 48 ժամվա ընթացքում, ապա ԱՄՆ-ը «կոչնչացնի» Իրանի էլեկտրակայանները։
«Եթե Իրանը լիովին չբացի Հորմուզի նեղուցը առանց սպառնալիքի՝ այս ճշգրիտ պահից 48 ժամվա ընթացքում, Միացյալ Նահանգները կհարվածի և կոչնչացնի նրանց տարբեր էլեկտրակայանները՝ սկսելով ամենամեծից»,- շաբաթ ժամը 23:44-ին (19:44 ET) տարածված գրառման մեջ նշել էր Թրամփը։
Թարգմանությունը՝ Էմմա Չոբանյանի
