06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Իրանը սպառնում է հարվածել Իսրայելի և Պարսից ծոցի էլեկտրակայաններին, եթե իր էներգետիկ ոլորտը թիրախավորվի
Քաղաքականություն
23.03.2026 | 11:23
Իրանը կպատասխանի իր էներգետիկ ոլորտի վրա հարձակմանը՝ թիրախավորելով Իսրայելի էլեկտրակայանները, ինչպես նաև տարածաշրջանի երկրներում ԱՄՆ բազաներին էներգիա մատակարարող կայանները։ Այս մասին ասվում է Իսլամական հեղափոխության պահապանների կորպուսի (ԻՀՊԿ) հայտարարության մեջ, գրում է Reuters-ը:
Այս հայտարարությունը, կարծես, հերքում է տարածաշրջանում աղազրկման կայանների դեմ նախկինում հնչած սպառնալիքները, որոնք կարևոր են Պարսից ծոցի երկրներին խմելու ջրով ապահովելու համար:
«Ստախոս… ԱՄՆ նախագահը պնդել է, որ Իսլամական հեղափոխության պահապանների կորպուսը մտադիր է հարձակվել ջրի աղազրկման կայանների վրա և դժվարություններ ստեղծել տարածաշրջանի երկրների ժողովուրդների համար»,- ասվում է ԻՀՊԿ հայտարարության մեջ։
Շաբաթ ԱՄՆ նախագահ Դոնալդ Թրամփը զգուշացրել էր, որ իրանական էլեկտրակայանները կթիրախավորվեն, եթե Թեհրանը 48 ժամվա ընթացքում «լիովին չբացի» Հորմուզի նեղուցը նավագնացության համար։
«Մենք վճռական ենք արձագանքել ցանկացած սպառնալիքի նույն մակարդակով՝ զսպման առումով։ Եթե դուք հարվածում եք էլեկտրաէներգիային, մենք հարվածում ենք էլեկտրաէներգիային»,- հայտարարել է Իսլամական հեղափոխության պահապանների կորպուսը։
Հիշեցնենք, որ Հորմուզի նեղուցը, որով անցնում է նավթի ծովային արտահանման շուրջ մեկ հինգերորդը, Մերձավոր Արևելքում նոր պատերազմի սկսվելուց ի վեր Իրանի կողմից արգելափակված է։
Թարգմանությունը՝ Էմմա Չոբանյանի
