13.05.2026 | 16:00
Հայաստանում հանտավիրուսի տարածման ռիսկը գնահատվում է ցածր․ ՀՎԿԱԿ
Ինձ թվում է՝ տարվա բոլոր օրերն էլ ինձ սպանելու փորձի համար հարմար չեն․ Արարատ Միրզոյանը՝ Քրիստինե Վարդանյանին․ ՏԵՍԱՆՅՈՒԹ
Քաղաքականություն
23.03.2026 | 13:01
«Տիկին Վարդանյան, որ ասում եք՝ նոյեմբերի 9-ը ձեր վրա հարձակվելու հարմար օր չէր, ես էլ եմ այդպես կարծում։ Ավելին ասեմ, ինձ թվում է՝ տարվա բոլոր օրերն էլ ինձ սպանելու փորձի համար հարմար չեն»,- ԱԺ արտաքին հարաբերությունների մշտական հանձնաժողովի նիստի ժամանակ ասաց ԱԳ նախարար Արարատ Միրզոյանը՝ արձագանքելով պատգամավոր Քրիստինե Վարդանյանին։
«Լավ կլինի՝ այդպիսի բաներ չանեք, մի անգամ արեցիք, ներեցինք։ Ասում եք՝ բացահայտվել, չբացահայտվել, իրավական գործընթաց է, իսկ որ ասում եք՝ անձնակենտրոն պետք է չլինել այս հարցում, իրավամբ, ես երևի ամենաչանձնակենտրոնն եմ եղել այս հարցում։ Ես համարում եմ դա ոչ թե իմ սպանության փորձ, այլ ՀՀ Ազգային ժողովի նախագահի սպանության փորձ, հարձակում պետական մարմինների վրա։ Այդ դրվագը, մնացած մյուս դրվագները՝ պետական հեղաշրջման նպատակով բռնություններով օրինականորեն ընտրված իշխանությունից հեռացնելու փորձ, դա պիտի արժանանա իրավական գնահատականի, դա պիտի գրվի պատմության դասագրքերում, եւ բոլոր այն մասնակիցները, եթե ոչ դուք, ապա ձերոնք, առհավետ զրկվեն Հայաստանի Հանրապետությունում քաղաքական գործընթացներին մասնակցելու իրավունքից»,- նշեց Միրզոյանը։
Մանրամասները՝ տեսանյութում։
