26.10.2026 | 21:58
Ովքեր են իշխանության գալիս մարզերում․ ՏԻՄ ընտրությունների նախնական արդյունքները 21 համայնքում. ՏԵՍԱՆՅՈՒԹ
Նոյեմբերի 9-ը Ձեր վրա հարձակվելու կամ Փաշինյանի «դուխիները» գողանալու օրը չի, ազգային ողբերգության օր է. Քրիստինե Վարդանյան․ ՏԵՍԱՆՅՈՒԹ
Քաղաքականություն
23.03.2026 | 12:37
«Պարո՛ն Միրզոյան, նոյեմբերի 9-ը Ձեզ վրա հարձակվելու, Նիկոլ Փաշինյանի դուխիները գողանալու օր չէ։ Դա ազգային ողբերգության օր է»,- ԱԺ արտաքին հարաբերությունների մշտական հանձնաժողովի նիստում այս մասին հայտարարեց «Հայաստան» խմբակցության պատգամավոր Քրիստինե Վարդանյանը՝ արձագանքելով 2020 թվականի նոյեմբերի 9-ի վերաբերյալ ԱԳ նախարար Արարատ Միրզոյանի դիտարկմանը։
«Եթե ձեր վրա հարձակվել են, շրջեք այն մարդու հետ, ում ամեն օր հանդիպում եք ու ասեք՝ այդ գործը ինչի՞ բացահայտված չէ։ Բայց նույն նախանձախնդրությամբ բացահայտեք ուղիղ եթերում, այն, որ թաղապետը հարձակվում է, մարդ է ծեծում, այն, որ պետական պահպանության տակ գտնվող ցուցարարին տանում են, ստորացնում են, այդ դեպքերն էլ»,- ասաց Վարդանյանը։
Նա նաև հայտարարեց, թե Արարատ Միրզոյանը կեղծում է՝ ասելով, որ մինչև Ադրեբջանի նախագահի հայտարարությունը իշխանությունները Հայաստանի Սահմանադրության փոփոխության օրակարգ են ունեցել։
«Ձեր օրակարգը, մինչև Ալիևի պահանջը, եղել է Սահմանադրության բարեփոխման օրակարգը։ Դուք Հայաստանում նոր Սահմանադրության մասին խոսել եք բացառապես այն բանից հետո, երբ Իլհամ Ալիևն ասել է, որ Հայաստանը նոր Սահմանադրություն պիտի ունենա։ Ու քանի որ ուրիշ տարբերակ չկա Անկախության հռչակագիրը հանելու, հանրաքվե էլ անեք, ինչ բարեփոխում էլ անեք, չեք կարող այդ հղումը հանել, դրա համար եք նոր Սահմանադրության մասին խոսում»,- ասաց Վարդանյանը։
Մանրամասները՝ տեսանյութում։
