17.08.2026 | 23:08
Զորականում և Ամասիայում շչակներ են փորձարկվելու
Մեսսին տուգանայինից գոլերով շրջանցել է Պելեի ցուցանիշը․ ՏԵՍԱՆՅՈՒԹ
23.03.2026 | 12:53
Աշխարհի չեմպիոն Արգենտինայի հավաքականի ավագ, ամերիկյան «Ինտեր Մայամիի» հարձակվող Լիոնել Մեսսին կարիերայում 71-րդ գոլն է խփել տուգանայինից։
MLS-ի կանոնավոր առաջնության հերթական տուրում «Ինտեր Մայամին» մրցակցի խաղադաշտում 3:2 հաշվով հաղթել է «Նյու Յորք Սիթիին»։ 61-րդ րոպեին 38-ամյա Մեսսին մրցակցի դարպասը գրավել է տուգանային հարվածով՝ խփելով կարիերայի 900-րդ գոլը։
Տուգանայինից խփած գոլերի ցուցանիշով «Ոսկե գնդակի» 8-ակի դափնեկիրը շրջանցել է բրազիլացի լեգենդար հարձակվող Պելեին (70 գոլ) և այժմ երկրորդն է պատմության մեջ, հաղորդում է OneFootball-ը։
Այդ ցուցանիշով ռեկորդակիրը Բրազիլիայի հավաքականի ու ֆրանսիական «Լիոնի» նախկին կիսապաշտպան Ժունինյո Պերնամբուկանոն է, որը 77 գոլի հեղինակ է դարձել տուգանային հարվածով։
MLS-ի ընթացիկ մրցաշրջանում Լիոնել Մեսսին 4 խաղում խփել է 4 գոլ։
