27.10.2026 | 00:08
Վարդան Մինասյանն աշխատանքի է անցել Լիբանանում
Խաչանովն ու Ալկարասն անակնկալ պարտություն են կրել Մայամիի մրցաշարում․ ՏԵՍԱՆՅՈՒԹ
23.03.2026 | 10:55
Աշխարհի 15-րդ ռակետ Կարեն Խաչանովը չի կարողացել հաղթահարել Մայամիի «Մասթերս» մրցաշարի երրորդ շրջանի արգելքը։
Ռուսաստանը ներկայացնող հայ թենիսիստը երկրորդ շրջանում անակնկալ պարտություն է կրել աշխարհի 151-րդ ռակետ, իսպանացի Մարտին Լանդալուս-Լակամբրայից։ 1 ժամ 35 րոպե տևողությամբ մրցախաղում 20-ամյա իսպանացին հաղթել է 6:3, 7:6 (7:2) հաշվով։
1/8 եզրափակիչում Լանդալուս-Լակամբրայի մրցակիցը կլինի ամերիկացի Սեբաստիան Կորդան, որը երեք սեթում հաղթել է աշխարհի առաջին ռակետ, իսպանացի Կառլոս Ալկարասին՝ 6։3, 5։7, 6։4։
Հիշեցնենք, որ առաջին մրցախաղում Կարեն Խաչանովը 6։3, 6։3 հաշվով հաղթել էր իսպանացի Ռոբերտո Բաուտիստա-Ագուտին, որի դեմ մրցել էր կարիերայում 13-րդ անգամ։ Մայամիի մրցաշարի մրցանակային հիմնադրամը 9,4 միլիոն դոլար է։
