13.05.2026 | 18:42
Cherchez la femme. Թուրքիայում հարձակվել են «Արսենալի» նախկին ֆուտբոլիստի վրա
Հայտնի է՝ ինչ է ներառում Հայաստանում «Յուվենտուսի» ակադեմիայի ծրագիրը
21.03.2026 | 15:55
Հայաստանում Թուրինի «Յուվենտուսի» ֆուտբոլային ակադեմիայի մամուլի ծառայությունը մանրամասներ է ներկայացրել, թե ինչ կարևոր կետեր կան ծրագրի մեջ։
«Juventus Academy Armenia-ի սան լինելը ներդրում է ոչ միայն մարզումների, այլև՝ ամբողջական զարգացման մեջ։
Համակարգված կրթական ծրագիր, որտեղ ձևավորվում է ոչ միայն խաղացող, այլև մտածող, կարգապահ ու ինքնավստահ անհատ։
Ի՞նչ է ներառում ծրագիրը՝
• Մարզումներ՝ ըստ Juventus-ի պաշտոնական ծրագրի
• Եվրոպացի պրոֆեսիոնալ մարզչական կազմ
• Լեզուների ուսուցում (իտալերեն, անգլերեն)
• Մաթեմատիկա և շախմատ՝ կոորդինացիայի և մտածողության զարգացման համար
• Մարմնամարզություն՝ ճիշտ ֆիզիկական ձևավորման հիմք
• Տարեկան ամբողջական բժշկական ստուգում՝ մեր իսկ բժշկական կենտրոնում
• Իտալացի առաջատար սկաուտների պարբերական այցելություններ ակադեմիա
• Սպորտային հոգեբանների աջակցություն
• Անհատական սննդակարգի խորհրդատվություն յուրաքանչյուր երեխայի համար
• Լավագույն թիմերի մասնակցություն ամենամյա Juventus Academy World Cup-ին
• Ընտրված լավագույն սաների համար մարզումներ՝ Թուրինի Juventus Academy-ում
• Ժամանակակից սպորտային տեխնոլոգիաների կիրառում
• Բջջային հավելված՝ ծնող-երեխա-ակադեմիա մշտական կապի համար
• Հաղթողի մտածելակերպի զարգացում
և մի շարք այլ առավելություններ, որոնք ձևավորում են ապագա աստղերին»,- նշված է հաղորդագրության մեջ։
Ավելի վաղ հայտնի էր դարձել, որ «Յուվենտուսի» երևանյան ակադեմիան բացվելու է այս տարվա օգոստոսին, Երևանում ունենալու է երկու մարզաբազա, առաջինը՝ Ավան վարչական շրջանում, երկրորդը՝ «Հրազդան» ստադիոնի հարևանությամբ։
