27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
«Կրասնոդարի» մարզիչ․ Սպերցյանը կատարում է այնպիսի աշխատանք, որը քչերն են տեսնում թիմի ներսում
20.03.2026 | 16:22
Ռուսաստանի չեմպիոն «Կրասնոդարի» գլխավոր մարզիչ Մուրադ Մուսաևը խոսել է Հայաստանի ազգային հավաքականի ավագ Էդուարդ Սպերցյանի կաևորության մասին։
«Կարիք չկա խոսել Էդուարդի անունից. նրա խաղը խոսում է իր մասին։ Նա արդեն երկու մրցաշրջան թիմի ավագն է, և ֆանտաստիկ ցուցանիշներ է գրանցում այդ ընթացքում։ Դա շատ դժվար աշխատանք է։
Նա առաջատար է ոչ միայն խաղադաշտում, այլև հանդերձարանում։ Նա այն մարդն է, ով կապում է օտարերկրացիներին և ռուսներին, շփվում բոլորի հետ։ Կատարում է այնպիսի աշխատանք, որը թիմի ներսում քչերն են տեսնում։ Նա գիտի, թե որտեղ կարող է կատարելագործվել, ուստի աշխատանքը երբեք չի դադարում, և մենք բոլորս փորձում ենք օգնել նրան քայլ առաջ կատարելու գործում»,- մարզիչի խոսքը մեջբերում է «Կրասնոդարի» մամուլի ծառայությունը։
Ընթացիկ մրցաշրջանում 25-ամյա հայ կիսապաշտպանը «Կրասնոդարի» կազմում անցկացրել է 30 հանդիպում, դարձել 12 գոլի ու 13 գոլային փոխանցման հեղինակ։
