06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Կարպինը հայտնել է՝ ինչու Արսեն Զախարյանին չի հրավիրել Ռուսաստանի հավաքական
20.03.2026 | 13:20
Ֆուտբոլի Ռուսաստանի հավաքականի գլխավոր մարզիչ Վալերի Կարպինը հրապարակել է թիմի կազմն առաջիկա ընկերական խաղերի համար։ Ցուցակից բացակայում է իսպանական «Ռեալ Սոսիեդադի» կիսապաշտպան Արսեն Զախարյանը։ Կարպինը բացատրել է, թե ինչու 22-ամյա ֆուտբոլիստը չի հրավիրել հավաքական։
«Որոշել ենք Զախարյանին ժամանակ տալ ակումբում աշխատելու ու հիմնական կազմում տեղի համար պայքարելու համար։ Եթե նրա հետ ամեն բան կարգին լինի, կդիտարկենք նրա թեկնածությունը հունիսին կայանալիք հավաքին»,- մարզիչի խոսքը մեջբերում է Sport24-ը։
Ռուսաստանի հավաքականը մարտի 27-ին Կրասնոդարում խաղալու է Նիկարագուայի թիմի հետ, իսկ 4 օր անց Սանկտ Պետերբուրգում մրցելու է Մալիի հավաքականի դեմ։
Արսեն Զախարյանը 2021 թվականին է նորամուտը նշել Ռուսաստանի հավաքականում, որի կազմում մասնակցել է 8 ընկերական հանդիպման։
