27.06.2026 | 12:03
«Բարգավաճ Հայաստան»-ը միջնորդություն ներկայացրեց ծրարների թափանցիկության հարցի վերաբերյալ․ ՏԵՍԱՆՅՈՒԹ
Իրանը պնդում է, որ Թեհրանը շարունակում է հրթիռներ արտադրել
Քաղաքականություն
20.03.2026 | 12:53
Իրանի Իսլամական հեղափոխության պահապանների կորպուսի (ԻՀՊԿ) խոսնակ Ալի Մոհամմադ Նաինին հայտարարել է, որ Թեհրանը դեռևս հրթիռներ է արտադրում՝ հերքելով Իսրայելի վարչապետ Բենիամին Նեթանյահուի պնդումը, որ Իրանն այլևս չի կարող դա անել, գրում է France24-ը։
«Մեր հրթիռային արդյունաբերության գնահատականը 20 է, և այս առումով որևէ մտահոգություն չկա, քանի որ մենք հրթիռներ ենք արտադրում նույնիսկ պատերազմական պայմաններում, ինչը զարմանալի է։ Պաշարների կուտակման հետ կապված որևէ հատուկ խնդիր չկա»,- ասել է գեներալը։
Իրանի դպրոցներում 20-ը գնահատման առավելագույն միավորն է։
Ալի Մոհամմադ Նաինին նաև ասել է, որ պատերազմը կշարունակվի։
«Մարդիկ ակնկալում են, որ պատերազմը կշարունակվի՝ մինչև թշնամին լիովին սպառվի։ Այս պատերազմը պետք է ավարտվի, երբ պատերազմի ստվերը վերանա երկրից»,- ասել է գեներալը՝ դիմելով Իրանի հասարակությանը։
Ավելի վաղ Իսրայելի վարչապետ Բենիամին Նեթանյահուն հայտարարել էր, որ Իրանն «այլևս չի կարող ուրան հարստացնել և ի վիճակի չէ բալիստիկ հրթիռներ արտադրել»։
Թարգմանությունը՝ Էմմա Չոբանյանի
