17.08.2026 | 23:08
Զորականում և Ամասիայում շչակներ են փորձարկվելու
Չեմպիոնների լիգա․ «Բարսելոնան» խփել է 7 գոլ, հայտնի են 1/4 եզրափակիչի զույգերը․ ՏԵՍԱՆՅՈՒԹ
19.03.2026 | 10:19
Չեմպիոնների լիգայում հայտնի են դարձել քառորդ եզրափակիչի բոլոր զույգերը։ Վերջին չորս ուղեգրերը նվաճել են կատալոնական «Բարսելոնան», Մյունխենի «Բավարիան», անգլիական «Լիվերպուլն» ու Մադրիդի «Աթլետիկոն»։
1/8 եզրափակիչի պատասխան խաղում «Բարսելոնան» տանը 7։2 հաշվով վստահ հաղթանակ է տարել անգլիական «Նյուքասլի» նկատմամբ, որի դեմ առաջին հանդիպումն ավարտել էր ոչ-ոքի (1։1) (տեսանյութ)։
«Բավարիան» երկրորդ խաղում ևս հաղթել է իտալական «Ատալանտային»՝ 4:1 (տեսանյութ): Առաջին մրցավեճում Գերմանիայի չեմպիոնն ուժեղ էր գտնվել 6։1 հաշվով։
«Լիվերպուլն» առաջին խաղում թուրքական «Գալաթասարային» նվազագույն հաշվով պարտվելուց հետո հասել է տպավորիչ ռևանշի՝ տնային հաղթանակ տանելով 4։0 հաշվով (տեսանյութ)։
Մադրիդի «Աթլետիկոն» մրցակցի խաղադաշտում 2:3 հաշվով պարտվել է Լոնդոնի «Տոտենհեմին», որին տանը հաղթել էր 5:2 հաշվով (տեսանյութ)։
Չեմպիոնների լիգայի քառորդ եզրափակիչում կկայանան հետևյալ դիմակայությունները․
ՊՍԺ (Ֆրանսիա) – «Լիվերպուլ» (Անգլիա)
«Ռեալ Մադրիդ» (Իսպանիա) – «Բավարիա» (Գերմանիա)
«Բարսելոնա» (Իսպանիա) – «Աթլետիկո Մադրիդ» (Իսպանիա)
«Սպորտինգ» (Պորտուգալիա) – «Արսենալ» (Անգլիա)
