27.07.2026 | 23:18
Ոստիկանները ձերբակալել են ապօրինի զենք պահող տղամարդուն
684.5 մլն դրամ՝ Եվրոպական քաղաքական համայնքի 8-րդ գագաթնաժողովից առաջ ճանապարհների նորոգման համար
Տնտեսություն
19.03.2026 | 10:12
Երևանում նախատեսվում է ճանապարհների նորոգում՝ Եվրոպական քաղաքական համայնքի 8-րդ գագաթնաժողովին ընդառաջ։ Կառավարության որոշման նախագծով առաջարկվում է ՀՀ կառավարության պահուստային ֆոնդից հատկացնել շուրջ 684.5 մլն դրամ՝ մայրաքաղաքի կենտրոնական փողոցների միջին նորոգման աշխատանքների համար։
Նախագծի համաձայն՝ աշխատանքներ կիրականացվեն Երևան քաղաքի Կենտրոն վարչական շրջանում՝ Բուզանդ, Պարոնյան, Պռոշյան, Սարյան փողոցներում։
Ըստ նախագծի՝ նշված հատվածները հանդիսանում են կարևոր տրանսպորտային և ներկայացուցչական ուղիներ, որոնք ընդգրկված են գագաթնաժողովի անցկացման վայրերին և պաշտոնական երթուղիներին հարող գոտում։
Պաշտոնական հիմնավորման համաձայն՝ այս փողոցներում առկա են ծածկույթի մաշվածություն և տեղային դեֆորմացիաներ, որոնք թեև վթարային չեն, սակայն չեն համապատասխանում միջազգային բարձր մակարդակի միջոցառման պահանջներին։
Ծրագրի իրականացմամբ նախատեսվում է նորոգել շուրջ 57,957.5 քմ ճանապարհահատված, ինչի արդյունքում կբարելավվի երթևեկության անվտանգությունն ու հարմարավետությունը, ինչպես նաև կապահովվի գագաթնաժողովի համար անհրաժեշտ ներկայացուցչական միջավայր։
Նարեկ Կիրակոսյան
