13.05.2026 | 14:32
Արաղչին Բայրամովին տեղեկացրել է Իրանի շուրջ բանակցային գործընթացի մասին
Նարդին Մուլահուսեյնովիչ․ Կարծում եմ՝ արժանի էի հրավիրվել Բոսնիա և Հերցեգովինայի հավաքական
18.03.2026 | 15:33
Ֆուտբոլի Հայաստանի չեմպիոն «Նոայի» հարձակվող Նարդին Մուլահուսեյնովիչն ափսոսանք է հայտնել, որ Բոսնիա և Հերցեգովինայի հավաքականից հրավեր չի ստացել 2026թ․ աշխարհի առաջնության անցումային խաղերի համար։
«Անկեղծ ասած, կարծում եմ, որ արժանի էի հայտացուցակում լինելուն։ Ես հարգում եմ մարզչի որոշումը, բայց որպես Կոնֆերենցիայի լիգայի լավագույն ռմբարկու, զգում եմ, որ կարող էի օգնել թիմին։ Այնուամենայնիվ, իմ նպատակն է շարունակել աշխատել, ապացուցել իմ արժեքը և դառնալ ավելի լավը։ Երբ լինի հրավեր ազգային հավաքականից, ուրախ կլինեմ ընդունել այն»,- բոսնիացի հարձակվողի խոսքը մեջբերում է Avaz-ը։
Այս մրցաշրջանում Նարդին Մուլահուսեյնովիչն 9 գոլ է խփել «Նոայի» կազմում։ Կոնֆերենցիաների լիգայում 28-ամյա ֆուտբոլիստը դարձել էր 5 գոլի հեղինակ ու խմբային փուլի լավագույն ռմբարկուն էր։
