09.06.2026 | 00:17
Մարկո Ռուբիոն շնորհավորել է Փաշինյանին
«Իմ քայլը» Շիրակի մարզում ունի 15 ռեյտինգային թեկնածու․ նախկին ու գործող մարզպետներ, լրագրողներ, բժիշկ
Քաղաքականություն
15.11.2018 | 16:01
Արդեն հայտնի է, թե որ քաղաքական ուժերն են մասնակցելու դեկտեմբերի 9-ին կայանալիք Աժ արտահերթ ընտրություններին։ Մասնակցելու է 11 քաղաքական ուժ, որից երկուսը՝ կուսակցությունների դաշինք։
«Իմ քայլը» դաշինքը արտահերթ ընտրություններին մասնակցելու համար ներկայացրել է 183 հոգանոց համամասնական ցուցակ։ Շիրակի մարզում «Իմ քայլը» կունենա 15 վարկանիշային թեկնածու ՝այս մասին մեզ հետ զրույցում տեղեկացրեց ՔՊ կուսակցության Գյումրիի գրասենյակի պատասխանատու Կարապետ Մխչյանը։
Ինչպես և սպասվում էր, ԱԻ նախարարի ժամանակավոր պաշտոնակատար Ֆելիքս Ցոլակյանը ռեյտինգային ընտրակարգով է առաջադրվելու։ Շիրակի նախկին մարզպետը մեծ հարգանք է վայելում մարզում և «Իմ քայլի» համար շատ ձայներ կապահովի։ Ֆելիքս Ցոլակյանը, կարելի է ասել, ամենափորձառու գործիչն է «Իմ քայլի» մյուս ռեյտինգային թեկնածուների հետ համեմատած և հենց ինքն էլ թիմին առաջ է տանելու։ Նշենք, նախորդ խորհրդարանական ընտրություններում Ֆելիքս Ցոլակյանը մասնակցում էր ՀՀԿ-ի ցուցակով։
Վարկանիշային ընտրակարգով է մասնակցելու նաև Շիրակի մարզպետ Կարեն Սարուխանյանը։ Նշենք, որ վերջինս մեծ հեղինակություն չունի հասարակության շրջանում և դժվար է ասել, կկարողանա՞ արդյոք շատ ձայներ ստանալ։
Մարզպետի տեղակալներ Արա Մելիքջանյանն ու ՍոՖիա Հովսեփյանը ևս ռեյտինգայինով են մասնակցելու։ Սոֆիա Հովսեփյանը եղել է հայտնի «Դեմ եմ» շարժման և «Ոչ թալանին» նախաձեռնության հիմնադիր անդամ, զբաղվել է ակտիվ հասարակական գործունեությամբ։
Էմմա Պալյանը, որը մարզպետի օգնականն է, ևս կա թեկնածուների ցուցակում։ Նա լրագրող է, աշխատել է «Գալա» հեռուստաընկերությունում և araratnews.am կայքում։ Նախորդ խորհրդարանական ընտրություններում Էմմա Պալյանը մասնակցում էր, ընդգրկված էր «Ելք» դաշինքի ցուցակում։
Մարզպետի խորհրդականներից էլ Նազելի Բաղդասարյանն է մասնակցելու վարկանիշային ընտրակարգով։ Նա «Ցայգ» մարզային հեռուստաընկերության «Իրականում» հաղորդման հեղինակն ու վարողն է, «Ռադիո հայ» Գյումրիի ղեկավարը։ ԱԺ-ի նախորդ ընտրություններում Նազելի Բաղդասարյանը զբաղվում է ՀՅԴ թեկանծուների PR-ով։
«Իմ քայլը» դաշինքի Շիրակի մարզի մյուս ռեյտինգային թեկնածուներն են. ՔՊ կուսակցության Գյումրիի գրասենյակի պատասխանատու Կարապետ Մխչյանը, «Գրիգոր Լուսավորիչ» հիվանդանոցի փոխտնօրեն, «Բեռլին» պոլիկլինիկայի նախկին տնօրեն Հովհաննես Հարությունյանը, «Անի տուր» տուրիստական գործակալության տնօրեն Դավիթ Առուշանյանը, Տիգրան Պետրոսյանը, որն աշխատում է «Հայկական կարիտաս» ԲՀԿ-ում շահերի պաշտպանության ոլորտում և «Արեգակ» փուռ-սրճարանի բիզնես մենեջերԷլզա Գինեցյանը։
Վարկանիշային ցուցակում ներառված են նաև Նիկոլայ Բաղդասարյանը, Արմեն Վարդապետյանը, Սարգիս Պետրոսյանն ու Դավիթ Սեխլեյանը։
