Հայաստանը կընդունի Davis Cup-ի 4-րդ ենթախմբի խաղերը
Ծաղկաձորի գլխավոր մարզահամալիրում հունիսի 15-21-ը կկայանան թենիսի Դեյվիսի գավաթի խաղարկության (տղամարդկանց աշխարհի գավաթ) եվրոպական գոտու չորրորդ ենթախմբի հանդիպումները, հաղորդում է ՀԹՖ մամուլի ծառայությունը։
Հայաստան կժամանեն Ալբանիայի, Անդորրայի, Իսլանդիայի, Լիխտենշտեյնի, Մալթայի ու Սան Մարինոյի հավաքականները։ Տարվա գլխավոր մրցաշարին նախապատրաստվող Հայաստանի ազգային հավաքականի կազմը կհրապարակվի ավելի ուշ։
Նախորդ անգամ Հայաստանում Դեյվիսի գավաթի խաղարկություն անցկացվել է 2008 թվականին։