27.10.2026 | 00:08
Վարդան Մինասյանն աշխատանքի է անցել Լիբանանում
Իսրայելը պաշտոնապես հայտարարել է՝ Իրանի «փաստացի առաջնորդ» Ալի Լարիջանին սպանվել է
Քաղաքականություն
17.03.2026 | 17:40
Իսրայելի պաշտպանության նախարար Իսրայել Կացից հետո՝ երկրի բանակը նույնպես հաստատել է, որ Իրանի Անվտանգության խորհրդի քարտուղար Ալի Լարիջանին սպանվել է Իրանում գիշերը տեղի ունեցած ավիահարվածի ժամանակ։ Նշվում է, որ Լարիջանին մայրաքաղաք Թեհրանում Իսրայելի ռազմաօդային ուժերի թիրախ է դարձել։
Զինվորականները պնդում են, որ Լարիջանին «ծառայել է որպես իրանական ահաբեկչական ռեժիմի փաստացի առաջնորդ»՝ հանգուցյալ գերագույն առաջնորդ Ալի Խամենեիի սպանությունից հետո։
«Տարիներ շարունակ Լարիջանին համարվում էր իրանական ահաբեկչական ռեժիմի ղեկավարության ամենաբարձրաստիճան և փորձառու դեմքերից մեկը և մոտ էր ռեժիմի առաջնորդ Ալի Խամենեիին»,- ասվում է Իսրայելի բանակի հայտարարության մեջ։
Նշվում է, որ փետրվարի 28-ին պատերազմի մեկնարկային հարվածների ժամանակ Խամենեիի սպանությունից հետո «Լարիջանին ամրապնդել է իր դիրքերը որպես իրանական ահաբեկչական ռեժիմի փաստացի առաջնորդ և ղեկավարել Իսրայելի պետության և տարածաշրջանի երկրների դեմ պայքարը»։
«Իր դերի շրջանակում Լարիջանին ղեկավարել է իրանական ահաբեկչական ռեժիմի քաղաքական-անվտանգային համակարգումը և ներգրավված էր դրա միջազգային գործունեության ղեկավարման մեջ»,- ընդգծվում է հայտարարության մեջ։
Զինվորականները նաև նշում են, որ այս տարվա սկզբին Իրանում տեղի ունեցած բողոքի ցույցերի ալիքի ժամանակ «Լարիջանին ղեկավարել է հարկադիր կատարման և բռնի ճնշման գործողությունները, նույնիսկ անձամբ վերահսկել իրանցի ցուցարարների դեմ իրականացված կոտորածը»։
Իրանը մինչ այժմ Լարիջանիի մահվան մասին որևէ հաստատում չի հրապարակել։
Թարգմանությունը՝ Էմմա Չոբանյանի
