ԶԼՄ ղեկավարներ և լրագրողներ դիմել են Նիկոլ Փաշինյանին

Մի շարք լրատվամիջոցների ղեկավարներ եւ լրագրողներ բաց նամակով են դիմել ՀՀ վարչապետի պաշտոնակատար Նիկոլ Փաշինյանին:

Ներկայացնում ենք բաց նամակն ամբողջությամբ.

ՀՀ Գլխավոր դատախազ պարոն Արթուր Դավթյանին

ՀՀ ՀՔԾ պետ պարոն Սասուն Խաչատրյանին

Հարգելի պարոն Փաշինյան,

Մեր գործընկեր, «Հայկական երկրորդ հեռուստաալիքի» գլխավոր տնօրեն Սամվել Մայրապետյանն ավելի քան մեկ ամիս է, ինչ անհիմն գտնվում է կալանքի տակ՝ 10,5 տարվա վաղեմության պատմությամբ՝ մեկ անձի ցուցմունքով՝ կաշառքին օժանդակելու մեղադրանքով: Նորանկախ Հայաստանի պատմության մեջ առաջին անգամ է, երբ համապետական սփռում ունեցող խոշորագույն հեռուստաալիքի տնօրեն է կալանավորվում, այն էլ հետհեղափոխական Հայաստանում մամուլի աննախադեպ ազատության մասին Ձեր կողմից արված հայտարարությունների ֆոնին, այն էլ Հայաստանում առաջին անգամ անցկացվող ԱԺ արտահերթ ընտրությունների նախաշեմին:

Մենք Սամվել Մայրապետյանին ճանաչում ենք երկար տարիներ եւ բազմիցս առիթ ենք ունեցել համոզվելու, որ նա պարտաճանաչ, օրինապահ, բծախնդիր եւ սկզբունքային անձնավորություն է: Հետեւաբար` վստահ ենք, որ խափանման միջոցի փոփոխության պարագայում նա կդրսեւորի պատշաճ վարքագիծ, չի թաքնվի եւ որեւէ կերպ չի խոչընդոտի նախաքննությանը:

Հարգանքով՝

1. Արա Թադեւոսյան, «Մեդիամաքս» մեդիա-ընկերության տնօրեն

2. Գեղամ Մանուկյան, «Երկիր Մեդիա» հեռուստաընկերության լրատվական, քաղաքական ծրագրերի տնօրեն

3. Մերուժան Սարգսյան, «Միր» միջպետական հեռուստառադիոընկերության հայաստանյան ազգային մասնաճյուղի տնօրեն

4. Արթուր Եզեկյան, «Շանթ» հեռուստաընկերության գլխավոր տնօրեն

5. Արմեն Արզումանյան, «Պանարմենիան Մեդիա Գրուպ»-ի գլխավոր տնօրեն

6. Արամ Աբրահամյան, «Առավոտ» օրաթերթի գլխավոր խմբագիր

7. Հակոբ Ավետիքյան, «Ազգ» թերթի գլխավոր խմբագիր

8. Սաթիկ Սեյրանյան, «168 ժամ» թերթի գլխավոր խմբագիր, Հայաստանի ժուռնալիստների միության նախագահ

9. Արմենիկա Կիվիրյան, News.am կայքի գլխավոր խմբագիր

10. Ավետ Դեմուրյան, Assosiated Press գործակալության հայաստանյան թղթակից

11. Աշոտ Գազազյան, Deutsche Welle մեդիաընկերության հայաստանյան թղթակից

12. Վարդուհի Իշխանյան, «Անկախ» կայքի գլխավոր խմբագիր

Սույն բաց նամակին կարող են միանալ այլ ԶԼՄ ղեկավարներ եւ անհատ լրագրողներ: