27.07.2026 | 23:18
Ոստիկանները ձերբակալել են ապօրինի զենք պահող տղամարդուն
Իրանը ՖԻՖԱ-ի հետ բանակցում է ԱԱ-2026-ի խաղերը ԱՄՆ-ից Մեքսիկա տեղափոխելու շուրջ
17.03.2026 | 14:09
Իրանի ֆուտբոլի ֆեդերացիայի նախագահ Մեհդի Թաջը Ֆուտբոլի միջազգային ֆեդերացիայի (ՖԻՖԱ) հետ բանակցում է աշխարհի առաջնությունում Իրանի հավաքականի բոլոր հանդիպումները Մեքսիկա տեղափոխելու առնչությամբ: Այդ մասին հայտարարել են Մեքսիկայում Իրանի դեսպանատնից, հաղորդում է Reuters-ը։
Ավելի վաղ Իրանի սպորտի նախարար Ահմադ Դոնյամալին հայտարարել էր, որ իր երկրի հավաքականը չի մասնակցելու ԱՄՆ-ում, Կանադայում ու Մեքսիկայում կայանալիք ԱԱ-2026-ին։ Մունդիալում իրանցիների բոլոր խաղերը նախատեսված են ԱՄՆ-ում։
Վերջերս ԱՄՆ նախագահ Դոնալդ Թրամփը հայտարարել էր, որ նպատակահարմար չի գտնում Իրանի հավաքականի մասնակցությունն աշխարհի առաջնությանը։
«Ֆուտբոլի Իրանի ազգային հավաքականին ուրախ են տեսնել աշխարհի առաջնությունում, բայց ես իսկապես չեմ կարծում, որ նրանց ներկայությունն այնտեղ տեղին է՝ իրենց սեփական կյանքի և անվտանգության համար»,- սոցցանցերում գրել էր ամերիկացի պաշտոնյան։
Հիշեցնենք, որ հունիսի 11-ից հուլիսի 19-ին կայանալիք 2026թ. աշխարհի առաջնությունում Իրանի հավաքականն ընդգրկված է G խմբում, որտեղ մրցակիցներն են Բելգիան, Եգիպտոսը և Նոր Զելանդիան։
