17.08.2026 | 23:08
Զորականում և Ամասիայում շչակներ են փորձարկվելու
Անաստասիա Բաղիյանը երրորդ ոսկե մեդալն է նվաճել Պարալիմպիկ խաղերում
16.03.2026 | 15:19
Ռուսաստանցի պարադահուկավազորդ Անաստասիա Բաղիյանը դարձել է ձմեռային Պարալիմպիկ խաղերի եռակի չեմպիոն։
Իտալիայի Միլան և Կորտինա դ’Ամպեցո քաղաքներում ավարտված ձմեռային Պարալիմպիկ խաղերի վերջին մրցումային օրը 24-ամյա Բաղիյանը ոսկե մեդալ է նվաճել տեսողության խնդիրներ ունեցող մարզիկների կանանց անջատ մեկնարկով 20 կմ դահուկավազքում։ Նա մրցատարածությունը հաղթահարել է 43 րոպե 59,1 վայրկյանում։
Ավելի վաղ Բաղիյանը չեմպիոն էր դարձել նաև անջատ մեկնարկով 10 կմ դահուկավազքում ու սպրինտում։
Անաստասիա Բաղիյանը ծնվել է Պերմում, տեսողությունը կորցրել է 15 տարեկանում։ Դահուկավազքով սկսել է զբաղվել 2018 թվականից։
Հիշեցնենք, որ ձմեռային Պարալիմպիկ խաղերին մասնակցել էր նաև Հայաստանը ներկայացնող պարադահուկավազորդ Գարիկ Մելքոնյանը, որը հանդես էր եկել երեք մրցատարածությունում։
