07.09.2026 | 14:59
Պեսկովը հայտնել է Փաշինյան-Պուտին հանդիպման օրակարգը
Microsoft-ը զգուշացնում է․ ԱԲ-ի շնորհիվ կիբերհարձակումներն ավելի վտանգավոր են դառնում
Հաղորդաշարեր
16.03.2026 | 21:40
Microsoft-ի նոր հետազոտության հեղինակները զգուշացնում են, որ հաքերները սկսել են արհեստական բանականությունն (ԱԲ) ինտեգրել իրենց գործողություններն արագացնելու, անվտանգության միջոցները շրջանցելու և զեղծարարություններ իրականացնելու համար։ Microsoft Security Blog-ում պարզաբանվում է, որ կիբերհանցագործներն օրինական ընկերությունների բիզնես գործելակերպը՝ կորպորատիվ ոճի կազմակերպչական կառուցվածքներն ընդունել են որպես ծառայություն մոդելներ և մասնագիտացում, նրանք ընդօրինակում են այն բիզնեսներին, որոնք իրենց գործողություններում ինտեգրում են արհեստական բանականությունը՝ չարամիտ գործողությունների արագությունը, մասշտաբը և արդյունավետությունը մեծացնելու համար:
Microsoft-ում արձանագրում են՝ օգտագործվում է գեներատիվ արհեստական բանականություն՝ ֆիշինգային խայծեր մշակելու, բովանդակությունը թարգմանելու, գողացված տվյալներն ամփոփելու, վնասակար ծրագրեր ստեղծելու կամ կատարելագործելու, ինչպես նաև սկրիպտներ կամ ենթակառուցվածքներ ստեղծելու համար։
«Արհեստական բանականությունն արագորեն ներդրվում է կիբերհարձակումների ամբողջ ցիկլում։ Արհեստական բանականության ամենամեծ ազդեցությունը կիբերգործողությունների վրա տեղի է ունենում արդյունավետության բարձրացման, այլ ոչ թե բոլորովին նոր հարձակման մեթոդների ստեղծման միջոցով»,- ասել է SOCRadar-ի տեղեկատվական անվտանգության գլխավոր տնօրեն Էնսար Սեքերը։
Ըստ նրա՝ արհեստական բանականությունը չի փոխարինում հարձակվողների ավանդական մեթոդներին կամ չի վերացնում մարդկային գործոնի անհրաժեշտությունը:
Microsoft-ը նաև նշել է, որ հարձակվողներն օգտագործում են արհեստական բանականությունը ռեսուրսներ մշակելու համար: Ընկերությունը բացատրել է, որ արհեստական բանականության մոդելների միջոցով կիբերհանցագործները կարող են նախագծել, կարգավորել և լուծել իրենց թաքնված ենթակառուցվածքների խնդիրները: Այս մեթոդը համեմատաբար ոչ փորձառու հաքերներին թույլ է տալիս նվազագույնի հասցնել իրենց գրոհի հայտնաբերման ռիսկը:
Թարգմանությունը՝ Էմմա Չոբանյանի
