16.11.2024 | 15:01
Սպանություն՝ բուժհաստատության բակում. ձերբակալվել է նույն հաստատության նախկին բուժառուն. ՔԿ
Մենք գնում ենք իշխանության. Գևորգ Պետրոսյան. ՏԵՍԱՆՅՈՒԹ
Քաղաքականություն
15.11.2018 | 14:20
Մենք գնում ենք առավելագույնի, հայցում ենք ժողովրդի աջակցությունը: Այսօր՝ նոյեմբերի 15-ին, ՀՀ Ազգային ժողովում լրագրողների հետ զրույցում այս մասին ասաց «Ծառուկյան» խմբակցության պատգամավոր Գևորգ Պետրոսյանը:
«Ցանկացած կուսակցություն, եթե չունի իշխանություն դառնալու նպատակ, պետք է լուծարվի: Բայց եկեք հիմա տեղաբաշխում, դերաբաշխում չկատարենք: Չի կարելի անտեսել ժողովրդին»,- հավելեց նա:
Պատգամավորը վստահեցրեց, որ ԲՀԿ-ն ընտրապայքարի է գնում՝ իր ծրագրերը ներկայացնելու. «Մենք ընտրապայքարի մեջ չենք մտնում՝ որևէ մեկին սևացնելու, հասարակությանը սևերի-սպիտակների, հեղափոխական-հակահեղափոխականի բաժանելու նպատակով: Անցանք այդ պահերը: Լավ կլինի, որ ցանկացած քաղաքական ուժ ներկայանա իր ծրագրերով»:
Ինչ վերաբերում է հին Ընտրական օրենսգրքին և ռեյտինգային ընտրակարգի պահպանմանը, ապա Գևորգ Պետրոսյանը հույս ունի, որ այն չի վերածվի հեղինակությունների մրցավազքի: «Հաշվի առնելով, որ այսօր գործող իշխանությունը նաև վայելում է ժողովրդի համակրանքն ու վստահությունը, հույս ունենք, որ ռեյտինգային ընտրապայքարը չի վերածվի հեղինակությունների, զոռբայության մրցավազքի, այլ իսկապես մարդը հնարավորություն կունենա իր վերաբերմունքը կոնկրետացնել կոնկրետ անձի նկատմամբ»,- նշեց նա:
Մանրամասները՝ տեսանյութում:
