27.10.2026 | 00:08
Վարդան Մինասյանն աշխատանքի է անցել Լիբանանում
Երթևեկության կառավարման կենտրոն է ստեղծվել․ հիմնարկի տնօրեն. ՏԵՍԱՆՅՈՒԹ
Տնտեսություն
16.03.2026 | 11:56
Երևանի քաղաքապետարանի գործակարգավարական նիստին ներկայացվեց նորաստեղծ «Երևանի երթևեկության կառավարման կենտրոն» հիմնարկի գործունեության մեկնարկային փուլի վերաբերյալ զեկույցը։
Քաղաքապետ Տիգրան Ավինյանը կենտրոնի տնօրեն Էդուարդ Այվազյանին խնդրեց ներկայացնել կատարված աշխատանքներն ու առաջին արդյունքները՝ նշելով, որ առաջիկայում զեկույցները կլսվեն նաև շաբաթական պարբերականությամբ։
Այվազյանը զեկուցեց, որ «Երևանի երթևեկության կառավարման կենտրոնը» հիմնադրվել է 2026 թվականի հունվարի 9-ին։
«Կառույցի հիմնական նպատակն է ձևավորել Երևանի հանրային տրանսպորտի և երթևեկության տվյալահեն կառավարման համակարգ՝ ապահովելով մշտադիտարկման, վերլուծության և օպերատիվ կառավարման գործիքներ քաղաքի շարժունակության արդյունավետ կազմակերպման համար»,- նշեց տնօրենը:
Նրա խոսքով` կենտրոնի ձևավորման առաջին փուլում անձնակազմը համալրվել է շուրջ 60 տոկոսով, ձևավորվել է կառավարման և մասնագիտական հիմնական թիմը։ Միաժամանակ ստեղծվում է տվյալների միասնական պահոց, որը միավորելու է GPS, վճարային և տեսահսկման համակարգերի տվյալները՝ հնարավորություն տալով հետագայում կայացնել առավել ամբողջական տվյալահեն որոշումներ։
Նա նաև տեղեկացրեց, որ ավարտվել է երթուղային ցանցի, հաստատված ուղեգծերի և կանգառների համադրման շուրջ 70 տոկոսը, իսկ հանրային տրանսպորտի վերահսկման նպատակով մեկնարկել է պիլոտային ծրագիր:
Մանրամասները` տեսանյութում:
