09.08.2026 | 11:33
Ահազանգ է ստացվել, որ Սևանա լճի լողափերից մեկում քաղաքացիները հեծանիվ-նավակով հեռացել են ափից և չեն կարողանում վերադառնալ․ ՆԳՆ
Մեր արտաքին քաղաքականությունը լինելու է հայաստանակենտրոն․ պատգամավորի թեկնածու
Քաղաքականություն
15.11.2018 | 15:44
«Քրիստոնեա-ժողովրդական վերածնունդ» կուսակցության 4-րդ հորիզոնականը զբաղեցնող պատգամավորի թեկնածու, քաղաքագետ Հայկ Սուքիասյանի համոզմամբ՝ իրենց քաղաքական թիմն ունի մի շատ կարևոր առանձնահատկություն․ այն մշակութային քաղաքակրթական կառույց է։
«Սա միայն քաղաքական կազմակերպություն չէ և չի էլ լինելու այդպիսին, մեր կուսակցության հիմքը մեր ժողովրդի մշակութային քրիստոնեկան այն ոգեղենությունն է, որը կուղենշի այն ճանապարհը, որի հիմքի վրա հնարավոր կլինի բոլոր ծրագրերն իրականացնել։ Մշակույթը հասարակությունն ու պետությունը սոսնձող ուժ է, առանց որի որևէ բան անել հնարավոր չէ»,-այսօր հրավիրված մամուլի ասուլիսի ժամանակ ասաց Սուքիասյանը՝ շեշտելով, որ կուսակցության համար առաջնայինը գիտաարդյունաբերական համալիրի վերականգնումն է՝ զուգորդված ժամանակակից տեղեկատվական տեխնոլոգիաների զարգացմամբ։
Անդրադառնալով Հայաստանի արտաքին քաղաքական վեկտորի վերաբերյալ կուսակցության ունեցած դիրքորոշմանը՝ պատգամավորի թեկնածուն նշեց, որ կողմնորոշումը հոգեկան հիվանդություն է, և իրենք չունեն կողմնորոշում արտաքին քաղաքականության մեջ։
«Սխալ է արևմտամետ, թուրքամետ, ռուսամետ ասվածը։ Մենք ունենք հայաստանակենտրոն մտածողություն։ Մեր արտաքին քաղաքականությունը լինելու է հայաստանակենտրոն»,-նշեց նա։
