16.03.2026 | 00:04
Ըմբիշ Սուրեն Աղաջանյանը դարձել է Եվրոպայի Մ-23 չեմպիոն․ ՏԵՍԱՆՅՈՒԹ
Ըմբիշ Սուրեն Աղաջանյանը դարձել է Եվրոպայի Մ-23 չեմպիոն․ ՏԵՍԱՆՅՈՒԹ
16.03.2026 | 00:04
Սուրեն Աղաջանյանը (60 կգ) դարձել է Սերբիայի Զրենյանին քաղաքում ավարտված հունահռոմեական ոճի ըմբշամարտի Եվրոպայի մինչև 23 տարեկանների առաջնության ոսկե մեդալակիր։
Եզրափակիչում հայ ըմբիշը մրցել է վրացի Գիորգի Կոչալիձեի հետ ու հաղթել երկու րոպեում՝ 9։0։ Եզրափակիչի ճանապարհին Սուրեն Աղաջանյանը երեք տպավորիչ հաղթանակ էր տարել 9։0, 10։8, 9։1 հաշիվներով։
Աշոտ Խաչատրյանը (72 կգ) հաղթել է սփոփիչ գոտեմարտում, սակայն բրոնզե մեդալի համար պայքարում 1։4 հաշվով պարտվել է հույն Արիոնաս Կոլիցոպուլոսին։
10 ըմբիշով մրցավայր մեկնած հունահռոմեական ոճի ըմբշամարտի Հայաստանի թիմը մրցելույթն ավարտել է երկու ոսկե, մեկ արծաթե ու մեկ բրոնզե մեդալով։ Մարտի 14-ին Արամայիս Հարությունյանը (130 կգ) հռչակվել էր Եվրոպայի Մ-23 չեմպիոն, Սամվել Տերտերյանը դարձել էր արծաթե մեդալակիր, իսկ Մանվել Խաչատրյանն (55 կգ) արժանացել էր բրոնզե մեդալի։
Հիշեցնենք, որ ազատ ոճի ըմբշամարտի Հայաստանի Մ-23 հավաքականը ԵԱ-ում նվաճել էր 1 ոսկե և 3 բրոնզե մեդալ ու երրորդ տեղն էր գրավել թիմային պայքարում։
