07.09.2026 | 17:13
Պեսկովը հայտնել է, որ Պուտինի և Փաշինյանի հանդիպման արդյունքներով ՌԴ-ն ու Հայաստանը կուսումնասիրեն առևտրային հարցերը
Ըմբիշ Արամայիս Հարությունյանը՝ Եվրոպայի Մ-23 չեմպիոն, Սամվել Տերտերյանը՝ փոխչեմպիոն, Մանվել Խաչատրյանը՝ բրոնզե մեդալակիր․ ՏԵՍԱՆՅՈՒԹ
14.03.2026 | 23:14
Սերբիայի Զրենյանին քաղաքում շարունակվող հունահռոմեական ոճի ըմբշամարտի Եվրոպայի մինչև 23 տարեկանների առաջնության երկրորդ մրցումային օրը Հայաստանի ներկայացուցիչները նվաճել են մեկական ոսկե, արծաթե ու բրոնզե մեդալ։
Արամայիս Հարությունյանը (130 կգ) երեք հաղթանակ տանելուց հետո դուրս էր եկել եզրափակիչ, որտեղ հաղթել է (1։1) հունգարացի Լասլո Դարաբոսին։
Սամվել Տերտերյանը եզրափակիչում պարտվել է (1։1) ռուսաստանցի Դանիլ Գրիգորևին ու դարձել արծաթե մեդալակիր։
Մանվել Խաչատրյանը (55 կգ) բրոնզե մեդալի համար գոտեմարտում ժամկետից շուտ 9։0 հաշվով հաղթել է թուրք Սերչան Կեսգինին ու գրավել երրորդ տեղը։
Սուրեն Աղաջանյանը (60 կգ) տարել է երեք տպավորիչ հաղթանակ ու նվաճել եզրափակիչի ուղեգիր։ Մարտի 15-ին Աղաջանյանը Եվրոպայի Մ-23 չեմպիոնի կոչումը կվիճարկի վրացի Գիորգի Կոչալիձեի հետ։
Յուրիկ Հովեյանը (67 կգ) և Աշոտ Խաչատրյանը (72 կգ) հաղթանակով մեկնարկելուց հետո պարտվել են քառորդ եզրափակիչում, բայց հնարավորություն են ստացել պայքարել բրոնզե մեդալի համար ու կանցկացնեն սփոփիչ գոտեմարտ։
Հիշեցնենք, որ Հայաստանի թիմը մրցավայր է մեկնել 10 ըմբիշով։
