02.07.2026 | 09:06
ԱԺ տարածքային կառավարման, գյուղատնտեսության և ՇՄ պահպանության հարցերի հանձնաժողովի նիստը. ՈՒՂԻՂ
Երկու հայ ըմբիշ դուրս է եկել Եվրոպայի Մ-23 առաջնության եզրափակիչ․ ՏԵՍԱՆՅՈՒԹ
13.03.2026 | 22:20
Սերբիայի Զրենյանին քաղաքում մեկնարկած հունահռոմեական ոճի ըմբշամարտի Եվրոպայի մինչև 23 տարեկանների առաջնության առաջին մրցումային օրը Հայաստանի երկու ներկայացուցիչներ դուրս են եկել եզրափակիչ։
Սամվել Տերտերյանը (77 կգ) և Արամայիս Հարությունյանը (130 կգ) տարել են 3-ական հաղթանակ ու նվաճել եզրափակիչի ուղեգիր։ Մարտի 14-ին Տերտերյանը Եվրոպայի Մ-23 չեմպիոնի կոչումը կվիճարկի ռուսաստանցի Դանիլ Գրիգորևի հետ, իսկ Հարությունյանի մրցակիցը կլինի հունգարացի Լասլո Դարաբոսը։
Մանվել Խաչատրյանը (55 կգ) հնարավորություն է ստացել անցկացնել բրոնզե մեդալի համար գոտեմարտ, իսկ Արմեն Սուքիասյանը (63 կգ) և Վիգեն Նազարյանը (87 կգ) պարտվել են մեկնարկային գոտեմարտում ու ավարտել ելույթները։
Հայաստանի թիմը մրցավայր է մեկնել 10 ըմբիշով։
