27.10.2026 | 10:10
Հայաստանի Պրեմիեր լիգա. Առաջատարի առաջին պարտությունն ու 11-րդ տուրի տեսաամփոփումը
Այս պահին Ռուսաստանի առաջնության լավագույն ֆուտբոլիստը Սպերցյանն է․ Տրոշեչկին
13.03.2026 | 16:46
Վոլգոգրադի «Ռոտորի» կիսապաշտպան Ալեքսանդր Տրոշեչկինը նշել է, որ Հայաստանի ազգային հավաքականի ու «Կրասնոդարի» ավագ Էդուարդ Սպերցյանին համարում է Ռուսաստանի Պրեմիեր լիգայի լավագույն ֆուտբոլիստը։
«Այս պահին Ռուսաստանի առաջնության լավագույն ֆուտբոլիստը Սպերցյանն է։ Նրա թիմն առաջին տեղում է, իսկ ինքն առաջին տարին չէ խաղում բարձր մակարդակում։ Իսկ առաջնության լավագույն մարզիչն Անդրեյ Տալալաևն է»,- ռուս ֆուտբոլիստի խոսքը մեջբերում է «РБ Спорт»-ը։
Ռուսաստանի ընթացիկ առաջնությունում Էդուարդ Սպերցյանը մասնակցել է 20 հանդիպման, դարձել 9 գոլի ու 12 գոլային փոխանցման հեղինակ։ Transfermarkt-ը 25 միլիոն եվրո է գնահատում 25-ամյա կիսապաշտպանի տրանսֆերային արժեքը։
