13.03.2026 | 17:46
Մոջթաբա Խամենեին ուղերձ է հղում, բայց հնարավոր է՝ նա ողջ չէ. The Telegraph
Իրանի հավաքականը պատասխանել է Դոնալդ Թրամփին
13.03.2026 | 16:35
Ֆուտբոլի աշխարհի առաջնության մասնակցությունից հրաժարված Իրանի հավաքականը պատասխանել է ԱՄՆ նախագահ Դոնալդ Թրամփի հայտարարությանը։ Ավելի վաղ ամերիկացի պաշտոնյան հետևյալ գրառումն էր կատարել սոցիալական ցանցերում․ «Ֆուտբոլի Իրանի ազգային հավաքականին ուրախ են տեսնել աշխարհի առաջնությունում, բայց ես իսկապես չեմ կարծում, որ նրանց ներկայությունն այնտեղ տեղին է՝ իրենց սեփական կյանքի և անվտանգության համար»։
Իրանի հավաքականից նշել են, որ ԱՄՆ-ը միակ երկիրն է, որին կարելի է հեռացնել ԱԱ-2026-ի մասնակիցների ցանկից։
«Աշխարհի առաջնությունը միջազգային նշանակության պատմական իրադարձություն է, և դրա կառավարող մարմինը ՖԻՖԱ-ն է, այլ ոչ թե որևէ անհատ կամ երկիր։ Իրանի ազգային հավաքականը, շնորհիվ իր ուժի և Իրանի քաջարի որդիների մի շարք վճռորոշ հաղթանակների, դարձավ այս խոշոր մրցաշարին մասնակցելու իրավունք ստացած առաջին թիմերից մեկը։
Իհարկե, ոչ ոք չի կարող բացառել Իրանի ազգային հավաքականի մասնակցությունն աշխարհի առաջնությանը։ Միակ երկիրը, որը կարող է հեռացվել մրցաշարից, այն է, որը պարզապես կրում է «ընդունող» կոչումը, բայց չի կարողանում ապահովել այս համաշխարհային միջոցառմանը մասնակցող թիմերի անվտանգությունը»,- ասվում է Իրանի հավաքականի հայտարարության մեջ, գրում է Nnytimes.com-ը։
Հիշեցնենք, որ ավելի վաղ Իրանի սպորտի նախարար Ահմադ Դոնյամալին հայտարարել էր, որ իր երկրի հավաքականը չի մասնակցելու ԱԱ-2026-ին։
Հունիսի 11-ից հուլիսի 19-ին ԱՄՆ-ում, Կանադայում ու Մեքսիկայում կայանալիք 2026թ. աշխարհի առաջնությունում Իրանի հավաքականն ընդգրկված է G խմբում, որտեղ մրցակիցներն են Բելգիան, Եգիպտոսը և Նոր Զելանդիան։ Իրանցիների բոլոր խաղերը նախատեսված են ԱՄՆ-ում։
