06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
NBA-ում գերազանցել են լեգենդար Ուիլթ Չեմբերլենի տպավորիչ ռեկորդը․ ՏԵՍԱՆՅՈՒԹ
13.03.2026 | 14:28
«Օկլահոմա Սիթի Թանդերի» խաղարկող Շեյ Գիլջես-Ալեքսանդերը 35 միավոր է վաստակել «Բոսթոն Սելթիքսի» դեմ Բասկետբոլի ազգային ասոցիացիայի (NBA) կանոնավոր առաջնության հերթական տուրի խաղում (104։102) ու գերազանցել լեգենդար Ուիլթ Չեմբերլենի ռեկորդը, հաղորդում է ESPN-ը։
27-ամյա կանադացին պատմության մեջ առաջին բասկետբոլիստն է, որը NBA-ում առնվազն 20 միավոր է վաստակում 127 խաղ անընդմեջ։ Ուիլթ Չեմբերլենն այդ ռեկորդը սահմանել էր 63 տարի առաջ՝ «Ֆիլադելֆիա Ուորիորզի» կազմում 1961-1963թթ․ առնվազն 20 միավոր հավաքելով 126 խաղ անընդմեջ։
Շեյ Գիլջես-Ալեքսանդերը ռեկորդային շարքը սկսել է 2024թ․ նոյեմբերի 1-ին։ Այս ընթացքում կանադացին վաստակել է 4092 միավոր։
Գիլջես-Ալեքսանդերը NBA-ում նորամուտը նշել է 2018 թվականին։ Նա 2019 թվականից է խաղում «Օկլահոմա Սիթի Թանդերում», որի կազմում անցյալ տարի դարձել էր NBA-ի չեմպիոն։
