27.06.2026 | 15:00
Ուկրաինան հարվածել է Մոսկվային վառելիք մատակարարող «Վտորովո» նավթամղիչ կայանին. meduza
Արման Ծառուկյան․ Ինձ ասել են, որ հանդիպելու եմ Տոպուրիա – Գեյջի մենամարտի հաղթողի հետ
13.03.2026 | 13:32
UFC-ի թեթև քաշային կարգի դասակարգման երկրորդ համար Արման Ծառուկյանը պատմել է, որ կարող է չեմպիոնական մենամարտ անցկացնել Իլիա Տոպուրիա – Ջասթին Գեյջի դիմակայության հաղթողի հետ։
«Մենք սպասում ենք, որ Իլիան մենամարտի Ջասթինի հետ։ Հետո ես կհանդիպեմ նրանց հաղթողի հետ։ Արդյո՞ք դա պաշտոնական է։ Ինձ այդպես են ասել։ Հնարավոր է նաև, որ կմենամարտեմ Չարլզ Օլիվեյրայի հետ, քանի որ չեմ ուզում երկար սպասել»,- հայ մարտիկի խոսքը մեջբերում է Home of Fight-ը։
Հիշեցնենք, որ UFC-ի թեթև քաշային կարգի գործող չեմպիոն Իլյա Տոպուրիան ու ժամանակավոր չեմպիոն, ամերիկացի Ջասթին Գեյջին հանդիպելու են հունիսի 14-ին Սպիտակ տանը կայանալիք մրցաշարում։
29-ամյա Ծառուկյանը UFC-ում նախորդ մենամարտն անցկացրել է 2025թ․ նոյեմբերի 22-ին՝ խեղդող հնարքով հաղթելով նորզելանդացի Դեն Հուկերին։ Հայ մարտիկը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
