12.10.2026 | 11:13
Ավինյանը կարգադրեց տուգանել թեթև վթարից հետո 15 րոպեից ավելի ճանապարհը փակող վարորդներին․ ՏԵՍԱՆՅՈՒԹ
Ինչո՞ւ մասնավորեցման ենթակա երկու խոշոր ԲԿ-ները դուրս եկան այդ ցանկից․ դրանք գնող չկա՞․ ՏԵՍԱՆՅՈՒԹ
Քաղաքականություն
15.11.2018 | 12:03
Կառավարության նոյեմբերի 15-ի նիստում գործադիրը որոշում կայացրեց չմասնավորեցնել «Ֆանարջյանի անվան ուռուցքաբանության ազգային կենտրոն» և «Ճառագայթային բժշկության և այրվածքների գիտական կենտրոն» փակ բաժնետիրական ընկերությունները և դրանք դուրս բերել մասնավորեցման ենթակա ընկերությունների ցանկից։
Ըստ նախագծի հիմնավորման՝ «Ֆանարջյանի անվան ուռուցքաբանության ազգային կենտրոն»-ը չի մասնավորեցվի՝ հաշվի առնելով վերջինիս ծավալները, հանրապետությունում օնկոլոգիական հիվանդությունների աճը, ինչպես նաև այն հանգամանքը, որ ներկայում պոտենցիալ ներդրողներ և կազմակերպությունը ձեռք բերողներ առկա չեն, ուստի առավել նպատակահարմար է, որ նշված պրոֆիլի և ծավալների կազմակերպությունը գործի պետական համակարգում։
Մեկ այլ հիմնավորմամբ՝ «Ճառագայթային բժշկության և այրվածքների գիտական կենտրոն» փակ բաժնետիրական ընկերությունը չի մասնավորեցվի՝ հաշվի առնելով, որ կենտրոնն իր պրոֆիլով միակն է ՀՀ-ում և պետք է գործի պետական համակարգում, որպեսզի վերջինիս հնարավոր և ցանկալի զարգացումները անմիջականորեն համակարգվեն և ուղղորդվեն պետության կողմից:
Մանրամասները՝ տեսանյութում։
