06.09.2026 | 22:03
«Սուրբ Հովհաննես» մատուռ բարձրացող քաղաքացին վնասել է ոտքը․ փրկարարներն օգնել են
Իրանի նոր գերագույն առաջնորդը խոստացել է շարունակել Հորմուզի նեղուցի փակումը․ նա առաջին հայտարարությամբ է հանդես եկել
Քաղաքականություն
12.03.2026 | 17:57
Իրանի նոր գերագույն առաջնորդ Մոջթաբա Խամենեիի առաջին հայտարարությունն է ընթերցվել պետական հեռուստատեսությամբ։ BBC-ի հաղորդմամբ՝ ուղերձն ընթերվել է հեռուստահաղորդավարը։
Դրանում Խամենեին հայտարարել է, որ «Հորմուզի նեղուցը փակելու լծակը» դեռ պետք է օգտագործվի Իրանի կողմից։ Միաժամանակ, նա հավելել է, որ Իրանը «բարեկամության» քաղաքականություն ունի հարևան երկրների հետ, բայց խորհուրդ է տվել նրանց փակել ամերիկյան բազաները, որոնք, նրա խոսքով, Իրանը շարունակելու է թիրախավորել։
Ըստ Մոջթաբա Խամենեիի՝ Իրանը չի տատանվի «վրեժ լուծել սպանված իրանցիների արյան համար»։ Սա հատկապես տեղին է Մինաբի դեպքում, որտեղ դպրոցի մոտ ԱՄՆ-ի հարվածի հետևանքով զոհվել է 168 մարդ, այդ թվում՝ մոտ 110 երեխա։ Իրանը պնդում է, որ դպրոցին հարվածել են ամերիկյան հրթիռով, սակայն ԱՄՆ-ը հերքել է իր պատասխանատվությունը՝ մինչ հետաքննություն է ընթացքում։
Թարգմանությունը՝ Էմմա Չոբանյանի
