16.05.2026 | 16:32
Գարեգին Բ կաթողիկոսն ընդունել է մշակույթի մի խումբ գործիչների
«Նոան»` Հայաստանի սուպերգավաթակիր. ՏԵՍԱՆՅՈՒԹ
12.03.2026 | 21:16
Ֆուտբոլի Հայաստանի գործող չեմպիոն ու գավաթակիր «Նոան» նվաճեց նաև երկրի Սուպերգավաթը։
Հակոբ Տոնոյանի անվան Սուպերգավաթի խաղում Սանդրո Պերկովիչի գլխավորած թիմը հետխաղյա 11-մետրանոցներով հաղթեց Հայաստանի փոխչեմպիոն, ընթացիկ առաջնության առաջատար «Արարատ-Արմենիային»։
Վազգեն Սարգսյանի անվան «Հանրապետական» մարզադաշտում կայացած հանդիպման հիմնական ժամանակն ավարտվեց 1:1 հաշվով։
10-րդ րոպեին հանդիպման հաշիվը տպավորիչ հարվածով բացեց «Արարատ-Արմենիայի» կիսապաշտպան Զիդան Բանժակին։ Առաջին խաղակեսի ավելացված չորրորդ րոպեին «Նոայի» պատասխան գոլը 11-մետրանոց հարվածով խփեց պորտուգալացի վինգեր Հելդեն Ֆերեյրան։
Հանդիպման հիմնական ժամանակի ավարտից անմիջապես հետո նշանակվեց 11-մետրանոց հարվածաշար, որում «Նոան» հաղթեց 4։2 հաշվով։
«Նոան» Հայաստանի սուպերգավաթակիր դարձավ երկրորդ անգամ՝ կրկնելով 2020թ. հաջողությունը։
Հիշեցնենք, որ անցյալ տարի Հայաստանի Սուպերգավաթը նվաճել էր «Արարատ-Արմենիան»։
