24.04.2026 | 23:32
Կապանում ջրանջատում կլինի
«Ռեալի» դարպասապահը գոլային փոխանցումների ռեկորդ է սահմանել Չեմպիոնների լիգայում
12.03.2026 | 15:20
Մադրիդի «Ռեալի» ներկայացուցիչ Տիբո Կուրտուան դարձել է Չեմպիոնների լիգայում ամենաշատ գոլային փոխանցում կատարած դարպասապահը պատմության մեջ, հաղորդում է AS-ը։
Անգլիական «Մանչեսթեր Սիթիի» դեմ 1/8 եզրափակիչի առաջին խաղում (3:0) բելգիացի դարպասապահն ասիստ էր կատարել ուրուգվայցի կիսապաշտպան Ֆեդերիկո Վալվերդեին, որը դարձել էր հեթ-տրիկի հեղինակ։ Դա Կուրտուայի երրորդ գոլային փոխանցումն էր Չեմպիոնների լիգայում։ Այդ ցուցանիշով 2-3-րդ տեղերը բաժանում են գերմանացի Օլիվեր Կանը և իսպանացի Խոսե Մոլինան, որոնք կատարել են երկուական գոլային փոխանցում։
Տիբո Կուրտուան 2018 թվականից է խաղում «Արքայական ակումբում»։ Կարիերայի ընթացքում Բելգիայի հավաքականի 33-ամյա դարպասապահը հանդես է եկել նաև բելգիական «Գենկում», Լոնդոնի «Չելսիում» ու Մադրիդի «Աթլետիկոյում»։
