16.05.2026 | 19:00
Մերոնք պատրաստ են սրճարանում մեծ գումար ծախսել, բայց թանգարանի դեպքում խնայում են. Բելլա Իսահակյան. ՏԵՍԱՆՅՈՒԹ
Արման Ծառուկյանը ցանկանում է ռևանշ մենամարտ անցկացնել Չարլզ Օլիվեյրայի հետ
12.03.2026 | 14:28
UFC-ի թեթև քաշային կարգի դասակարգման երկրորդ համար Արման Ծառուկյանը ցանկանում է ռևանշ մենամարտ անցկացնել բրազիլացի Չարլզ Օլիվեյրայի հետ։ Այդ մասին հայ մարտիկը հայտարարել է Ռիո դե Ժանեյրոյում կայացած Hype Brazil մրցաշարում Մուհամադ Մոկաևին խեղդող հնարքով հաղթելուց հետո։
«Ցանկանում եմ հաջորդ մենամարտն անցկացնել Չարլզ Օլիվեյրայի հետ։ Եկեք անենք դա»,- ասել է Ծառուկյանը, հաղորդում է Sport24-ը։
Հայաստանի ներկայացուցիչը նաև հայտնել է, որ պատրաստ է Hype Fighting-ում հաջորդ մենամարտն անցկացնել ամերիկացի Դիլոն Դենիսի հետ։
Արման Ծառուկյանը և Չարլզ Օլիվեյրան UFC-ում հանդիպել են 2024թ․ ապրիլին, երբ հայ մարտիկը հաղթել էր միավորներով։ Օրեր առաջ 36-ամյա բրազիլացի մարտիկը UFC-ի BMF գոտու համար մենամարտում հաղթել էր ամերիկացի Մաքս Հոլուեյին։
Հիշեցնենք, որ 29-ամյա Ծառուկյանը UFC-ում նախորդ մենամարտն անցկացրել է 2025թ․ նոյեմբերի 22-ին՝ խեղդող հնարքով հաղթելով նորզելանդացի Դեն Հուկերին։ Նա խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
