06.06.2026 | 21:10
Ջրափի գյուղի ընտրատեղամասում 3-րդ համարի քվեաթերթիկների տրցակը բացակայում էր․ ըստ ԿԸՀ-ի՝ խնդիրը տեխնիկական է
Brent տեսակի նավթի գինը կրկին գերազանցել է մեկ բարելի համար 100 դոլարը
12.03.2026 | 11:41
Bloomberg-ը հաղորդում է, որ մարտի 12-ի առավոտյան Լոնդոնի ֆոնդային բորսայում Brent տեսակի նավթի գինը գերազանցել է մեկ բարելի համար 100 դոլարը։ Վառելիքի գինը բարձրացել էր մինչև 101,59 դոլարի մեկ բարելի համար, գրում է Meduza-ն։
«Միակ բանը, որը կարող է իսկապես իջեցնել նավթի գները, Հորմուզի նեղուցի վերաբացումն է»,- գործակալությանն ասել է «Sanford C. Bernstein & Co» ընկերության հետազոտությունների տնօրեն Նիլ Բևերիջը։
Նա հավելել է, որ ԱՄՆ-ի կողմից իր ռազմավարական պաշարներն ազատ արձակելու որոշման մեջ նշված նավթի ծավալները «ոչինչ են՝ համեմատած օրական 20 միլիոն բարելի հետ», որն աշխարհը կորցնում է նեղուցի փակման պատճառով։
Մարտի 11-ին Միջազգային էներգետիկ գործակալության (որի կազմում են ԱՄՆ-ն, Թուրքիան, Մեծ Բրիտանիան, Գերմանիան և այլք) անդամ երկրները համաձայնեցին ազատել իրենց ազգային նավթային պաշարների ամենամեծ ծավալը՝ 400 միլիոն բարել, որը կազմում է իրենց ընդհանուր պաշարների մեկ երրորդը: Գործակալությունը փորձում է մեղմել նավթի շուկայի վրա Իրանի հետ ԱՄՆ-Իսրայել պատերազմի և Հորմուզի նեղուցի փաստացի փակման հետևանքով առաջացած ցնցումը:
ԱՄՆ նախագահ Դոնալդ Թրամփը հայտարարել է, որ Միացյալ Նահանգները կբացի իր ռազմավարական նավթի պաշարները և շուկա կթողնի 172 միլիոն բարել նավթ։ Նրա կարծիքով՝ դա կնվազեցնի նավթի գները։
Մարտի 9-ին Brent տեսակի նավթի գինը հասել էր մեկ բարելի համար 119,50 դոլարի՝ ամենաբարձր գինը 2022 թվականի հունիսի 17-ից ի վեր։
Թարգմանությունը՝ Էմմա Չոբանյանի
