26.10.2026 | 22:31
Տեղի է ունեցել Հայաստան-ԵՄ աշխատանքային խմբի 5-րդ հանդիպման և Քաղաքականության բարձր մակարդակի երկխոսության նիստը
«Տոտենհեմը» գրանցել է հակառեկորդ` 6 անընդմեջ պարտություն
11.03.2026 | 16:53
Անգլիական «Տոտենհեմն» ակումբային հակառեկորդ է գրանցել Չեմպիոնների լիգայի 1/8 եզրափակիչի առաջին խաղում Մադրիդի «Աթլետիկոյից» 2:5 հաշվով կրած պարտությունից հետո, հաղորդում է Opta-ն։
Լոնդոնյան ակումբն առաջին անգամ կրել է 6 անընդմեջ պարտություն պաշտոնական խաղերում։
«Աթլետիկոյի» դեմ հանդիպումից առաջ «Տոտենհեմն» Անգլիայի Պրեմիեր լիգայում պարտվել էր «Մանչեսթեր Յունայթեդին», «Նյուքասլին», «Արսենալին», «Ֆուլհեմին» ու «Քրիսթալ Փելասին»։
Հիշեցնենք, որ անցյալ ամիս «Տոտենհեմի» գլխավոր մարզիչի պաշտոնում Թոմաս Ֆրանկին փոխարինել էր Իգոր Տուդորը։ «Աթլետիկոյի» դեմ պատասխան հանդիպումը կկայանա մարտի 18-ին։
