27.06.2026 | 15:37
Փամբակ գետում մեքենա և դի են հայտնաբերվել․ փրկարարները որոնում են երկրորդ անձին
Թրամփը նշել է, որ Իրանի հավաքականը կարող է մասնակցել ԱԱ-2026-ին․ ՖԻՖԱ-ի նախագահ
11.03.2026 | 13:35
ՖԻՖԱ-ի նախագահ Ջանի Ինֆանտինոն պատմել է, որ հանդիպել է ԱՄՆ նախագահ Դոնալդ Թրամփի հետ ու խոսել 2026թ․ աշխարհի առաջնության մասին։
«Այսօր երեկոյան ես հանդիպեցի Միացյալ Նահանգների նախագահ Դոնալդ Ջ. Թրամփի հետ՝ քննարկելու առաջիկա աշխարհի առաջնության նախապատրաստական աշխատանքները և մրցաշարի աճող սպասումները։
Մենք նաև քննարկեցինք Իրանում ստեղծված իրավիճակը և այն փաստը, որ Իրանի ազգային հավաքականը նվաճել է աշխարհի առաջնության ուղեգիր։ Մեր զրույցի ընթացքում նախագահ Թրամփը կրկին նշեց, որ Իրանի հավաքականը, անկասկած, իրավունք ունի մասնակցելու Միացյալ Նահանգներում կայանալիք մրցաշարին։
Հիմա, ավելի քան երբևէ, մեզ բոլորիս անհրաժեշտ է այնպիսի միջոցառում, ինչպիսին է ՖԻՖԱ-ի աշխարհի առաջնությունը, որը կարող է միավորել մարդկանց: Ես անկեղծորեն շնորհակալություն եմ հայտնում Միացյալ Նահանգների նախագահին աջակցության համար. սա ևս մեկ անգամ ապացուցում է, որ ֆուտբոլը միավորում է աշխարհը»,- Ջանի Ինֆանտինոյի խոսքը մեջբերում է BBC-ն։
Հիշեցնենք, որ վերջին օրերի ընթացքում ԱՄՆ-ն Իսրայելի հետ միասին հարվածներ է հասցնում է Իրանին։
ԱԱ-2026-ը կայանալու է հունիսի 11-ից հուլիսի 19-ին ԱՄՆ-ում, Կանադայում ու Մեքսիկայում։ Առաջին անգամ Մունդիալին կմասնակցի 48 հավաքական։ Իրանի հավաքականն ընդգրկված է G խմբում, որտեղ մրցակիցները կլինեն Բելգիան, Եգիպտոսը և Նոր Զելանդիան։
