27.06.2026 | 15:22
Ռաիսա Մկրտչյանի մահվան կապակցությամբ ստեղծվել է թաղման հանձնաժողով
Հյուսիսային Կորեան աջակցություն է հայտնել Իրանի նոր գերագույն առաջնորդին
Քաղաքականություն
11.03.2026 | 15:54
Հյուսիսային Կորեան հայտարարել է, որ աջակցում է Իրանի նոր գերագույն հոգևոր առաջնորդ Մոջթաբա Խամենեիի ընտրությանը, որը փոխարինել է հորը՝ Ալի Խամենեիին։ Վերջինը սպանվել էր ԱՄՆ-ի և Իսրայելի կողմից երկրի դեմ առաջին հարվածների ժամանակ։
«Հարգում ենք Իրանի ժողովրդի իրավունքներն ու ընտրությունը՝ ընտրելու իրենց գերագույն առաջնորդին»,- Փհենյանի արտաքին գործերի նախարարության անանուն պաշտոնյայի խոսքերն է մեջբերել Կորեայի կենտրոնական լրատվական գործակալությունը (KCNA), գրում է France 24-ը։
Աղբյուրն ասել է, որ Միացյալ Նահանգներն ու Իսրայելը «քանդում են տարածաշրջանային խաղաղության և անվտանգության հիմքերն ու սրում անկայունությունն ամբողջ աշխարհում»: Խոսնակը ԱՄՆ-ին և Իսրայելին մեղադրել է Իրանի «քաղաքական համակարգը և տարածքային ամբողջականությունը» խախտելու և «նրա սոցիալական համակարգը տապալելու» փորձի մեջ:
«Նման գործողություններն արժանի են համաշխարհային քննադատության և մերժման, քանի որ դրանք երբեք չեն կարող հանդուրժվել»,- հավելել է հյուսիսկորեացի պաշտոնյան:
Թարգմանությունը՝ Էմմա Չոբանյանի
