Ալի Խամենեիի որդին՝ Մոջթաբա Խամենեին, Իրանի նոր գերագույն առաջնորդ է նշանակվել

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

Իրանում գերագույն հոգևոր առաջնորդ է նշանակվել Մոջթաբա Խամենեիին։ Նա կփոխարինի հորը՝ սպանված գերագույն առաջնորդ Ալի Խամենեիին։ Սա վկայում է այն մասին, որ կոշտ գծի կողմնակիցները շարունակում են ամուր մնալ իշխանության գլխին՝ Իրանում ԱՄՆ-ի և Իսրայելի հետ հակամարտության սկսվելուց մեկ շաբաթ անց, գրում է Reuters-ը։

Մոջթաբան, որն ազդեցություն ունի Իրանի անվտանգության ուժերում,  համարվում էր առաջատար թեկնածու Ալի Խամենեիից հետո՝ նոր առաջնորդ ընտրելու համար պատասխանատու 88 հոգևորականներից բաղկացած ժողովի քվեարկության նախաշեմին։

«Փորձագետների ժողովը վճռորոշ քվեարկությամբ այաթոլլահ Սեյեդ Մոջթաբա Հոսեյնի Խամենեիին նշանակեց Իրանի Իսլամական Հանրապետության սրբազան համակարգի երրորդ առաջնորդ»,- ասվում է ժողովի հայտարարության մեջ։

Այս պաշտոնը Մոջթաբային տալիս է վերջնական խոսքի իրավունք Իսլամական Հանրապետության պետական ​​բոլոր հարցերում։

Մոջթաբայի նշանակումը, հավանաբար, կառաջացնի ԱՄՆ նախագահ Դոնալդ Թրամփի զայրույթը, որը հայտարարել էր, որ Վաշինգտոնը պետք է խոսք ունենա ընտրության հարցում, ասվում է հրապարակման մեջ։

«Եթե նա չստանա մեր հաստատումը, նա երկար չի դիմանա»,- ABC News-ին ասել է Թրամփը։

Հայտարարությունից առաջ Իսրայելը սպառնացել էր թիրախավորել ընտրված յուրաքանչյուր գերագույն առաջնորդի։

Մոջթաբայի հայրը՝ Իրանի երկարամյան գերագույն առաջնորդ Ալի Խամենեին, սպանվել է Իրանի դեմ մեկ շաբաթ առաջ սկսված առաջին հարվածներից մեկի ժամանակ։

Մինչ այդ, կիրակի ԱՄՆ զինված ուժերը հայտնել են, որ յոթերորդ ամերիկացին է մահացել մեկ շաբաթ առաջ Իրանի կողմից իրականացված առաջին հակահարձակման ժամանակ ստացած վերքերից։

ՄԱԿ-ում Իրանի դեսպանի խոսքով՝ ԱՄՆ-ի և Իսրայելի հարձակումների հետևանքով զոհվել է առնվազն 1332 իրանցի քաղաքացիական անձ, հազարվորները վիրավորվել են։

Մինչ Թրամփը պնդում է «անվերապահ հանձնման» մասին, Իրանի խորհրդարանի խոսնակ Մոհամմադ Բաղեր Քալիբաֆը հայտարարել է, որ Թեհրանը չի ձգտում հրադադարի և «կպատժի ագրեսորներին»։

Իսրայելը շարունակում է է թիրախավորել իրանցի բարձրաստիճան պաշտոնյաներին, այդ թվում՝ գերագույն հոգևոր առաջնորդի ռազմական գրասենյակի՝ վերջերս նշանակված ղեկավար Աբոլքասեմ Բաբաիանին․ նա սպանվել է շաբաթ օրը տեղի ունեցած հարվածի ժամանակ։

BBC-ն գրում է, որ ծնված լինելով 1969 թվականի սեպտեմբերի 8-ին հյուսիսարևելյան Մաշհադ քաղաքում՝ Մոջթաբան Ալի Խամենեիի վեց երեխաներից երկրորդն է։ Իրանական լրատվամիջոցների հաղորդմամբ՝ 17 տարեկանում Մոջթաբան ծառայել է բանակում Իրան-Իրաք պատերազմի ժամանակ։

1999 թվականին Մոջթաբան մեկնել է Ղոմ՝ սուրբ քաղաք, որը համարվում է շիա աստվածաբանության կարևոր կենտրոն, որպեսզի շարունակի իր կրոնական ուսումնասիրությունները։ Հատկանշական է, որ մինչ այդ պահը նա հոգևորականի հագուստ չի կրել։ Ի տարբերություն հոր՝ Մոջթաբան մեծ մասամբ մնացել է աննկատ։ Նա երբեք որևէ պետական ​​պաշտոն չի զբաղեցրել, հրապարակային ելույթներ չի ունեցել, հարցազրույցներ չի տվել։ ԱՄՆ դիվանագիտական ​​հեռագրերում, որոնք հրապարակվել են WikiLeaks-ի կողմից 2000-ականների վերջին, նրան նկարագրում էին որպես «թիկնոցների հետևում կանգնած ուժ», որը լայնորեն համարվում էր ռեժիմի ներսում «կարող և ուժեղ առաջնորդ»։

Թարգմանությունը՝ Էմմա Չոբանյանի