12.12.2024 | 21:38
Հայաստան-Հնդկաստան-Իրան եռակողմ խորհրդակցություններ են անցկացվել
Ֆարմանյանն այսօր ԱԺ-ում առաջարկում էր «տոտոները» և «վիվարոները» փակել, իսկ 2014-ին ԱԺ-ում խաղադրույք էր կատարում
Քաղաքականություն
14.11.2018 | 21:41
Նախընտրական ցուցակների եռուզեռով տարված` այսօր Ազգային ժողովի քառօրյայի աշխատանքները հետին պլան էին մղվել: Մինչդեռ խորհրդարանում այսօր բավականին հետաքրքիր քննարկում էր․ Ազգային ժողովը քննարկում էր ՀՀԿ պատգամավոր Սամվել Ֆարմանյանի հեղինակած նախագիծը, որով արգելվելու է բուքմեյքերական ընկերությունների՝ «տոտոների», «վիվարոների» գործունեությունը:
Այսպիսով՝ Ֆարմանյանն առաջարկում է «Շահումով խաղերի, վիճակախաղերի մասին» օրենքում փոփոխություններ կատարել, որոնց արդյունքում կփակվեն «վիվարոների» գրասենյակները, ինչպես նաեւ կդադարեցվի դրանց համացանցային գործունությունը: Այսինքն՝ հնարավոր չի լինի օնլայն խաղադրույք կատարել:
Այս օրենքի քննարկման ժամանակ մի ուշագրավ հայտարարություն արվեց Սամվել Ֆարմանյանի կողմից:
Մասնավորապես, երբ «Ծառուկյան» խմբակցության պատգամավոր Սերգեյ Բագրատյանը Ֆարմանյանին մեղադրեց, որ չի կարողացել այս նախագիծն ԱԺ բերել իշխանությունների օրոք, Ֆարմանյանն արձագանքեց․
«Այո, ընդունում եմ, որ այս նախագիծը չի դարձել օրենք, դա նախորդ կառավարությունների գործունեության արդյունքն է: Ես չեմ կարող ստել, պնդել հակառակը: Ես չեմ գտնվել այնքան ուժեղ իմ թիմակիցների շրջանում՝ իմ ազդեցությամբ, որ կարողանամ այս նախագիծը դարձնել օրենք: Ես դա ընդունում եմ: Բայց մեզ հաջողվել է կատարել որոշակի կես քայլ»,- ասաց նա:
Սակայն Ֆարմանյանի այս խոստովանությունը միակ ինտրիգը չէր: Այս օրենսդրական փոփոխությունները կատարելու համար ՀՀԿ-ական պատգամավորը դիմեց բոլոր խմբակցություններին, խնդրեց-համոզեց, որ կողմ քվեարկեն:
Սամվել Ֆարմանյանի այս մտահոգությունների համատեքստում հիշարժան է դառնում այն, որ 2014 թվականի սեպտեմբերի 30-ին մի շարք լրատվական կայքեր ֆիքսել էին, որ Ազգային ժողովի դահլիճում Ֆարմանյանը բուքմեյքերական ընկերության կայքի միջոցով ֆուտբոլի խաղադրույք է կատարում:
Թեեւ Ֆարմանյանը հերքել էր՝ նշելով, որ ընդամենը խաղ է խաղացել։
Հայկ Վարդանյան
