27.06.2026 | 14:41
Սպասվում է կարճատև անձրև և ամպրոպ, առանձին հատվածներում՝ նաև կարկուտ
Թրամփը հայտարարել է Իրանի հետ բանակցելու պատրաստակամության մասին՝ որոշակի պայմաններով
Քաղաքականություն
10.03.2026 | 18:24
ԱՄՆ նախագահ Դոնալդ Թրամփը Fox News-ի հետ զրույցում հայտարարել է, որ պատրաստ է բանակցել Իրանի հետ՝ որոշակի պայմաններով, գրում է BBC-ի ռուսական ծառայությունը։
Պատասխանելով Թեհրանի հետ բանակցությունների հնարավորության մասին հարցին՝ Թրամփն ասել է, որ լսել է, թե Իրանը շատ է ցանկանում բանակցել, սակայն չի նշել, թե Իրանում ով է նման ցանկություն հայտնել։ Սպիտակ տան ղեկավարը նաև չի մանրամասնել, թե ինչ պայմաններ են անհրաժեշտ՝ Թեհրանի հետ բանակցությունների համար։
Միևնույն ժամանակ, Թրամփը կրկին քննադատել է Իրանի գերագույն հոգևոր առաջնորդ Մոջթաբա Խամենեիի օրոք խաղաղության հեռանկարները՝ ասելով. «Ես չեմ հավատում, որ նա կարող է խաղաղ ապրել»։
Այսօր ավելի վաղ Իրանի արտաքին գործերի նախարար Աբբաս Արաղչին հայտարարել էր, որ Միացյալ Նահանգների հետ երկխոսությունը վերսկսելու հնարավորությունը համարում է չափազանց անհավանական։
Թարգմանությունը՝ Էմմա Չոբանյանի
