25.11.2024 | 10:18
Վրաստանի խորհրդարանում գործարկվել է անվտանգության դեղին մակարդակ
Շենգավիթի դատարանում շարունակվում է Ժիրայր Սեֆիլյանի և 6-ի գործով դատական նիստը
Հասարակություն
21.07.2017 | 12:53
Շենգավիթ վարչական շրջանի ընդհանուր իրավասության դատարանում այսօր շարունակվում է Ժիրայր Սեֆիլյանի, Գևորգ Սաֆարյանի, Հրայր Թոփչյանի, Սասունիկ Կիրակոսյանի, Հովհաննես Պետրոսյանի, Գալուստ Գրիգորյանի, Ներսես Պողոսյանի քրեական գործով դատական նիստը:
Նիստից առաջ կարգադրիչները դարձյալ փորձել են, իրենց խոսքով ասած, զննության ենթարկել փաստաբանների պայուսակները, սակայն վերջիններս այն խուզարկություն ու հակաօրինական քայլ որակելով՝ հրաժարվել են:
Փաստաբաններից Նինա Կարապետյանցը նույն խնդրով վիճաբանություն է ունեցել կարգադրիչների հետ, սակայն, ի վերջո, նրան հաջողվել է մուտք գործել նիստերի դահլիճ:
Հիշեցնենք, ազատամարտիկ, Շուշիի առանձնակի գումարտակի հրամանատար Ժիրայր Սեֆիլյանը մեղադրվում է մի շարք ծանր հոդվածներով՝ զանգվածային անկարգությունների հրահրում, նախապատրաստում, կազմակերպված խմբի կազմում զենքի ձեռքբերում, որի միջոցով պիտի զավթեր ռազմավարական նշանակության շենքեր։
Սակայն Սեֆիլյանն ինքը շինծու է որակում մեղադրանքները՝ կապելով իր քաղաքական գործունեության հետ:
