02.07.2026 | 12:36
ՌԴ-ն Ուկրաինայի դեմ 74 հրթիռ և շուրջ 500 ԱԹՍ է կիրառել․ Կիևում զոհերի թիվը հասել է 13-ի
Թրամփը «դժգոհ» է Մոջթաբա Խամենեիի ընտրությունից
Քաղաքականություն
09.03.2026 | 14:44
ԱՄՆ նախագահ Դոնալդ Թրամփը «դժգոհ» է Իրանում Մոջթաբա Խամենեիին որպես նոր գերագույն առաջնորդ նշանակման կապակցությամբ, հաղորդում է Fox News-ը։
Հաղորդավար Բրայան Քիլմիդը նշել է, որ նոր առաջնորդի ընտրության հայտարարությունից հետո խոսել է ԱՄՆ նախագահի հետ, և նա ասել է նրան. «Ես գոհ չեմ», գրում է BBC-ի ռուսական ծառայությունը։
Ավելի վաղ, լրատվամիջոցներում տարածված հաղորդագրություններից հետո, որ Մոջթաբա Խամենեին դարձել է Իրանի գերագույն առաջնորդի ամենահավանական թեկնածուն, Թրամփը հայտարարել էր, որ գոհ չէ առաջադրումից։ ԱՄՆ նախագահը պահանջում էր, որ Իրանի առաջնորդ ընտրելիս հաշվի առնվի ԱՄՆ-ի դիրքորոշումը, որը պատերազմում է Թեհրանի հետ, մինչդեռ Իսրայելը զգուշացրել էր, որ նոր առաջնորդը կդառնա թիրախ։
Նոր գերագույն հոգևոր առաջնորդի նշանակման մասին հայտարարությունից հետո Times of Israel-ին տված հարցազրույցում Թրամփը հրաժարվել է մեկնաբանություն տալ՝ միայն ասելով. «Կտեսնենք, թե ինչ կլինի»։
Թարգմանությունը՝ Էմմա Չոբանյանի
