01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
ԱՄԷ-ն առաջին անգամ հարվածել է Իրանի տարածքին․ իսրայելական ԶԼՄ-ներ
Քաղաքականություն
08.03.2026 | 16:14
Միացյալ Արաբական Էմիրությունները առաջին անգամ հարվածել են Իրանի տարածքին, պնդում է իսրայելական Ynet հրատարակությունը։ Թիրախը եղել է ջրի աղազերծման գործարանը։ Իսրայելում կարծում են, որ առայժմ խոսքը իրանական ռեժիմին ուղղված ազդանշանի մասին է, սակայն եթե Իրանի հարձակումները տարածաշրջանի երկրների նկատմամբ ուժգնանան, ԱՄԷ-ն կարող է միանալ Թեհրանի դեմ ռազմական արշավին, նշում է Ynet-ը։
ԱՄԷ-ի կողմից Իրանում աղազերծման գործարանի վրա հարձակման մասին գրում է նաև Jerusalem Post-ը՝ հղում անելով իր աղբյուրներին։
Շաբաթվա սկզբին Իրանի անօդաչու թռչող սարքը, որը խոցվել էր հակաօդային պաշտպանության միջոցներով, ընկնելու հետևանքով հրդեհ էր բռնկվել Ֆուջեյրա էմիրության նավթարդյունաբերական գոտում։ Մարտի 7-ին իրանական անօդաչու սարքը ընկել էր նաև Դուբայի միջազգային օդանավակայանի տարածքում։
Այն բանից հետո, երբ փետրվարի 28-ին Իսրայելն ու ԱՄՆ-ը սկսեցին համատեղ ռազմական գործողություն Իրանի դեմ, Թեհրանը անօդաչու սարքերով սկսել է հարձակվել տարածաշրջանի երկրներում գտնվող ամերիկյան ռազմաբազաների և այլ օբյեկտների վրա։ Կողմերի հարձակումները, բացի Իրանից և Իսրայելից, ընդգրկել են նաև ԱՄԷ-ն, Սաուդյան Արաբիան, Սիրիան, Իրաքը, Քուվեյթը, Բահրեյնը, Կատարը, Ադրբեջանը, Կիպրոսը և Լիբանանը։
